ضلع کرم میں عید الفطر کے دوسرے روز سیکیورٹی فورسز نے دہشت گردوں کی ایک بڑی کارروائی کو ناکام بنا دیا ہے۔ سیکیورٹی ذرائع کے مطابق کالعدم فتنہ الخوارج کے دو دہشت گرد زیر تعمیر تھانے پر حملے کی کوشش کے دوران ہلاک ہو گئے ہیں۔
واقعہ اس وقت پیش آیا جب تھانے کی تعمیراتی جگہ پر مزدور کام میں مصروف تھے اور پولیس اہلکار وہاں سیکیورٹی پر مامور تھے۔ دہشت گردوں نے تعمیراتی کام بند کرنے کا مطالبہ کیا جس کے بعد پولیس اور دہشت گردوں کے درمیان مسلح تصادم شروع ہو گیا۔
ذرائع نے بتایا کہ فائرنگ کے تبادلے کے دوران دہشت گردوں نے کچھ مزدوروں اور پولیس اہلکاروں کو اغوا کر لیا تھا۔ تاہم مقامی قبائلی عمائدین کی مداخلت اور کامیاب مذاکرات کے بعد مغویوں کو بازیاب کرا لیا گیا ہے۔
صورتحال کو قابو میں لانے کے لیے اضافی نفری کو موقع پر طلب کر لیا گیا تھا جس کے بعد علاقے میں امن و امان بحال ہو گیا۔
دریں اثنا ضلع کرم کے علاقے پاڑا چمکنی میں مارٹر گولہ گرنے سے ایک شخص جاں بحق جبکہ تین افراد زخمی ہو گئے۔ زخمیوں اور لاش کو سدہ ہسپتال منتقل کر دیا گیا ہے۔ پولیس حکام کا کہنا ہے کہ واقعے کی تحقیقات کا عمل شروع کر دیا گیا ہے۔ اس رپورٹ کی تیاری میں جاوید افضل نے معاونت فراہم کی۔
پنجاب کے وزیر اعلیٰ بھگونت مان نے الزام عائد کیا ہے کہ ریاست میں چوبیس…
قصور کے علاقے دیپالپور روڈ پر تیز رفتاری اور غفلت کے باعث ٹرک اور وین…
راولپنڈی میں پاک فوج کے شعبہ تعلقات عامہ آئی ایس پی آر کی جانب سے…
راولپنڈی کے ہولی فیملی ہسپتال میں ایک طبی معجزہ دیکھنے میں آیا ہے جہاں ایک…
اسلام آباد میں سات مئی کو معرکہ حق کی پہلی برسی انتہائی جوش و خروش…
اسلام آباد سے جاری ہونے والے پیغامِ اسلام کانفرنس کے اعلامیے میں وزیراعظم شہباز شریف…