وزیر اعظم شہباز شریف نے انڈونیشیا کے صدر پرابوو سبیانٹو سے ٹیلی فون پر رابطہ کیا ہے اور انہیں عید الفطر کے پرمسرت موقع پر مبارکباد پیش کی ہے۔ اتوار کے روز ہونے والی اس گفتگو میں وزیر اعظم نے انڈونیشیا کے صدر اور وہاں کے برادر عوام کے لیے نیک خواہشات کا اظہار کیا۔
انڈونیشیا کے صدر نے وزیر اعظم کی جانب سے ملنے والی مبارکباد کا پرتپاک جواب دیا ہے۔ دونوں رہنماؤں نے اس موقع پر دونوں ممالک کے عوام اور پوری امت مسلمہ کے لیے امن، سلامتی اور ہم آہنگی کی خصوصی دعائیں کیں۔
بات چیت کے دوران وزیر اعظم شہباز شریف نے پاکستان اور انڈونیشیا کے مابین تاریخی اور برادرانہ تعلقات کو مزید مستحکم کرنے کے عزم کا اعادہ کیا۔ انہوں نے باہمی دلچسپی کے تمام شعبوں میں دوطرفہ تعاون کو وسعت دینے پر زور دیا۔
دونوں رہنماؤں نے خطے کی تازہ ترین صورتحال بالخصوص ایران اور خلیجی خطے میں جاری کشیدگی پر بھی تبادلہ خیال کیا۔ اس موقع پر انہوں نے خطے میں جاری محاذ آرائی کو فوری طور پر ختم کرنے پر زور دیا اور تمام تنازعات کو مذاکرات اور سفارتی ذرائع سے حل کرنے کی ضرورت پر اتفاق کیا۔
کیوبا میں قومی سطح پر بجلی کا نظام درہم برہم ہونے کے بعد اتوار کے…
سوڈان کے مغربی خطے دارفور میں واقع ایک ہسپتال پر ہونے والے فضائی حملے کے…
کراچی کے گل پلازہ میں ایک بار پھر آگ بھڑک اٹھی جس کے بعد امدادی…
پاکستان کرکٹ بورڈ نے وفاقی حکومت کی جانب سے قومی وسائل کی بچت اور کفایت…
کراچی کے علاقے گل پلازہ میں اتوار کے روز لگنے والی آگ کے بعد پولیس…
ویٹیکن سٹی میں پوپ لیو نے مشرق وسطیٰ میں جاری جنگ کے نتیجے میں ہونے…