وزیر اعلیٰ سندھ سید مراد علی شاہ نے کہا ہے کہ خطے میں بڑھتی ہوئی کشیدگی کے تناظر میں قومی یکجہتی وقت کی اہم ضرورت ہے۔ انہوں نے عوام پر زور دیا کہ وہ پاکستان کے دفاع کے لیے سیسہ پلائی دیوار بن کر کھڑے ہوں۔
کراچی میں مزار قائد پر حاضری کے بعد میڈیا سے گفتگو کرتے ہوئے وزیر اعلیٰ سندھ نے کہا کہ عالم اسلام کو جنگی کیفیت کے خاتمے کے لیے مشترکہ کوششیں کرنی چاہئیں۔ انہوں نے اس عزم کا اظہار کیا کہ فیلڈ مارشل عاصم منیر کی قیادت میں پاک فوج دہشت گردی کے خلاف جنگ میں پرعزم ہے۔
مراد علی شاہ نے شہید ذوالفقار علی بھٹو اور شہید بینظیر بھٹو کی خدمات کو خراج تحسین پیش کرتے ہوئے کہا کہ ان رہنماؤں نے قائد اعظم کے خواب کی تعبیر کے لیے گراں قدر کردار ادا کیا۔ انہوں نے واضح کیا کہ صدر آصف علی زرداری اور بلاول بھٹو زرداری کی قیادت میں پاکستان پیپلز پارٹی ملک کی ترقی کے سفر کو جاری رکھے ہوئے ہے۔
وزیر اعلیٰ نے کہا کہ ملکی ترقی کا انحصار قائد اعظم کے اصولوں پر کاربند رہنے میں ہے۔ انہوں نے نئی نسل کو بانی پاکستان کے افکار سے روشناس کرانے پر زور دیتے ہوئے کہا کہ معاشی اور سماجی استحکام حکومت کی اولین ترجیحات میں شامل ہے۔
انہوں نے یاد دلایا کہ سندھ اسمبلی نے قرارداد پاکستان کی منظوری دی تھی اور قیام پاکستان میں صوبے کا کردار نمایاں رہا ہے۔ مراد علی شاہ نے مزید کہا کہ شہید ذوالفقار علی بھٹو کی جانب سے شروع کیے گئے ایٹمی پروگرام نے ملک کو ناقابل تسخیر بنا دیا ہے اور اب کوئی بھی دشمن پاکستان کی طرف میلی آنکھ سے دیکھنے کی جرات نہیں کر سکتا۔ اس موقع پر گورنر سندھ نہال ہاشمی اور صوبائی کابینہ کے ارکان بھی ان کے ہمراہ موجود تھے۔
برطانیہ کے دارالحکومت لندن میں یہودی برادری کی فلاحی تنظیم کی چار ایمبولینسز کو نذر…
وزیر اعلیٰ خیبر پختونخوا سہیل آفریدی نے پشاور میں خیبر پختونخوا ہاؤس میں پودا لگا…
محکمہ موسمیات نے ملک بھر میں 25 سے 28 مارچ کے دوران مغربی ہواؤں کے…
روس کی جانب سے میکس نامی سوشل میڈیا پلیٹ فارم کو فروغ دینے کے لیے…
امریکی صدر ڈونلڈ ٹرمپ نے ملک بھر کے ہوائی اڈوں پر امیگریشن حکام کو تعینات…
وائٹ ہاؤس کے احاطے میں اطالوی مہم جو کرسٹوفر کولمبس کا مجسمہ نصب کر دیا…