محکمہ موسمیات نے ملک بھر میں 25 سے 28 مارچ کے دوران مغربی ہواؤں کے ایک نئے سلسلے کے داخل ہونے کی پیش گوئی کی ہے۔ اس نظام کے تحت بلوچستان اور سندھ سمیت ملک کے کئی حصوں میں تیز ہواؤں کے ساتھ موسلادھار بارش کا امکان ظاہر کیا گیا ہے۔
محکمہ موسمیات کراچی کے ڈپٹی ڈائریکٹر انجم نذیر ضیغم کے مطابق یہ موسمیاتی نظام ایران کے راستے بلوچستان میں داخل ہوگا، جس کے اثرات سب سے زیادہ بلوچستان اور سندھ کے علاقوں میں محسوس کیے جائیں گے۔ کراچی میں بھی اس سسٹم کے زیر اثر تیز ہواؤں کے ساتھ اچانک موسلادھار بارش متوقع ہے۔
شہر قائد میں آج مطلع صاف ہے اور دھوپ نکلی ہوئی ہے، جبکہ آئندہ دو روز کے دوران مطلع جزوی طور پر ابر آلود رہنے کا امکان ہے۔ اس دوران کراچی کا درجہ حرارت 30 سے 32 ڈگری سینٹی گریڈ کے درمیان رہنے کی توقع ہے۔
ڈپٹی ڈائریکٹر نے مزید بتایا کہ فروری اور مارچ کے دوران ملک بھر میں درجہ حرارت معمول سے زیادہ رہا ہے، اور گرمی کی یہ شدت آئندہ دنوں میں موسمیاتی تغیرات میں تیزی کا باعث بن سکتی ہے۔
محکمہ موسمیات کی جانب سے جاری کردہ الرٹ کے مطابق سندھ کے دیہی اضلاع بشمول لاڑکانہ، قمبر شہدادکوٹ، شکارپور، جیکب آباد، سکھر، نوشہرو فیروز اور دادو میں بھی گرج چمک کے ساتھ بارش کا امکان ہے۔
یاد رہے کہ عید الفطر کے پہلے روز کراچی کے مختلف علاقوں میں گرج چمک کے ساتھ ہونے والی بارش نے شہریوں کے معمولات کو متاثر کیا تھا۔ وقفے وقفے سے ہونے والی تیز بارش کے باعث عید کی خوشیاں گہنا گئیں اور متعدد علاقوں میں نقل و حمل میں دشواری کا سامنا کرنا پڑا۔
وفاقی وزیر برائے پارلیمانی امور ڈاکٹر طارق فضل چوہدری نے کہا ہے کہ جیلوں میں…
آئرلینڈ کے نامور فٹبالرز، معروف سماجی شخصیات اور فنکاروں نے مطالبہ کیا ہے کہ جمہوریہ…
انڈونیشیا کے مشرقی جزیرے ہلماہیرا میں واقع ماؤنٹ ڈوکونو آتش فشاں کے پھٹنے سے دو…
ڈنمارک میں قائم الائنس آف ڈیموکریسیز فاؤنڈیشن کی جانب سے جاری کردہ سالانہ رپورٹ میں…
وفاقی وزیر اطلاعات و نشریات عطا اللہ تارڑ نے کہا ہے کہ پاکستان نے ہمیشہ…
نائب وزیراعظم اور وزیر خارجہ اسحاق ڈار نے کہا ہے کہ سنگاپور کے قریب امریکی…