یوم پاکستان کے موقع پر چینی صدر شی جن پنگ اور وزیر اعظم لی چیانگ نے پاکستانی قیادت کو خصوصی تہنیتی پیغامات بھیجے ہیں۔ دفتر خارجہ کے ترجمان کے مطابق چینی صدر شی جن پنگ نے اپنے پیغام میں پاکستان کی جانب سے قومی خودمختاری، آزادی اور علاقائی سالمیت کے تحفظ کے عزم کو سراہا ہے۔
صدر شی جن پنگ نے کہا کہ پاکستان قومی ترقی کے سفر کو آگے بڑھانے کے ساتھ ساتھ خطے میں امن، استحکام اور خوشحالی کے لیے کلیدی کردار ادا کر رہا ہے۔ ایک قریبی دوست ہونے کے ناطے چین پاکستان کی ترقیاتی کامیابیوں پر مسرت محسوس کرتا ہے۔
چینی صدر نے اس بات پر زور دیا کہ رواں برس چین کے 15 ویں پانچ سالہ منصوبے کا آغاز اور دونوں ممالک کے مابین سفارتی تعلقات کے 75 برس مکمل ہو رہے ہیں۔ انہوں نے روایتی دوستی کو مزید مستحکم کرنے، اسٹریٹجک تعاون بڑھانے اور ترقیاتی حکمت عملیوں کو ہم آہنگ کرنے کے عزم کا اعادہ کیا۔
شی جن پنگ نے کہا کہ وہ صدر آصف علی زرداری کے ساتھ مل کر پاک چین شراکت داری کو مزید مضبوط بنائیں گے تاکہ دونوں ممالک کے عوام کے لیے باہمی فوائد کا حصول یقینی بنایا جا سکے۔
علاوہ ازیں چینی وزیر اعظم لی چیانگ نے بھی یوم پاکستان کے موقع پر وزیر اعظم شہباز شریف کو مبارکباد کا پیغام بھیجا ہے۔
پاکستان اور بنگلہ دیش نے منشیات کی سمگلنگ، سائبر کرائم، دہشت گردی اور انسانی سمگلنگ…
انڈونیشیا کے جزیرے ہالمہیرا میں واقع ماؤنٹ ڈوکونو آتش فشاں کے پھٹنے کے بعد لاپتہ…
پاکستان نے اقوام متحدہ کی سلامتی کونسل کو خبردار کیا ہے کہ مقبوضہ مغربی کنارے…
وزیر اعظم شہباز شریف نے لاہور میں جاتی امرا کا دورہ کیا جہاں انہوں نے…
امریکہ اور ایران کے درمیان جاری کشیدگی میں کوئی کمی نہ آ سکی، خلیج میں…
غزہ کا محاصرہ توڑنے والی بین الاقوامی کمیٹی کے سربراہ یوسف اجیسا نے انکشاف کیا…