پاکستان تحریک انصاف کی مرکزی قیادت نے بانی چیئرمین عمران خان کی رہائی کے لیے ٹاسک فورس کے قیام کی مخالفت کرتے ہوئے مذاکرات کے آپشن پر زور دیا ہے۔ پارٹی ذرائع کے مطابق سینئر رہنماؤں نے وزیر اعلیٰ خیبر پختونخوا سہیل آفریدی کو اپنے تحفظات سے آگاہ کر دیا ہے۔
پارٹی قیادت کا موقف ہے کہ ملک اور دنیا اس وقت ایک نازک دور سے گزر رہے ہیں، لہذا ٹاسک فورس بنانے کے بجائے سیاسی بات چیت کا راستہ اختیار کرنا زیادہ سودمند ثابت ہو سکتا ہے۔ رہنماؤں نے خبردار کیا ہے کہ موجودہ حالات میں اسلام آباد کی جانب مارچ یا احتجاج کی کال پارٹی کے لیے سنگین نقصانات کا باعث بن سکتی ہے۔
سینئر رہنماؤں کا کہنا ہے کہ اس وقت احتجاج کا راستہ اختیار کرنا کسی صورت دانش مندانہ فیصلہ نہیں ہوگا۔ ان کے مطابق ٹاسک فورس کا حتمی مقصد احتجاجی لائحہ عمل مرتب کرنا ہوگا، تاہم موجودہ حالات میں کارکنوں کو سڑکوں پر لانا پارٹی کے مفاد میں نہیں ہے۔
واضح رہے کہ وزیر اعلیٰ خیبر پختونخوا سہیل آفریدی نے 19 اپریل کو بانی پی ٹی آئی کی رہائی کے لیے ٹاسک فورس قائم کرنے کا اعلان کیا تھا۔ اب پارٹی کے اندر سے اٹھنے والی یہ مخالفت تحریک انصاف کی حکمت عملی میں نمایاں تبدیلی کا اشارہ دے رہی ہے۔
لاہور (نمائندہ خصوصی) معرکہ حق میں فتح کو ایک سال مکمل ہونے پر دنیا میڈیا…
پاکستان بھر میں آٹھ مئی دو ہزار پچیس کو بھارت کی جانب سے مسلط کردہ…
اسلام آباد میں منعقدہ تقریب کے دوران وزیر اعظم شہباز شریف اور صدر آصف علی…
وفاقی تحقیقاتی ادارے ایف آئی اے کے کمرشل بینکنگ سرکل نے مالیاتی فراڈ میں ملوث…
پاکستان پیپلز پارٹی سندھ کے صدر نثار کھوڑو نے کہا ہے کہ این ایف سی…
وفاقی وزیر برائے اقتصادی امور احد چیمہ کی زیر صدارت ایک اعلیٰ سطحی اجلاس منعقد…