اسلام آباد یونائیٹڈ کے کپتان شاداب خان کا کہنا ہے کہ پاکستان سپر لیگ ایک نئے دور میں داخل ہو رہی ہے جس میں ٹیموں کی تعداد میں اضافہ اور کھلاڑیوں کی نیلامی کا عمل لیگ کی تاریخ کا اہم موڑ ثابت ہوگا۔ ایک خصوصی انٹرویو میں شاداب خان نے کہا کہ پی ایس ایل گیارہ میں دو نئی ٹیموں کی شمولیت اور فرنچائز کی ملکیت میں تبدیلیوں سے مقابلے کا معیار مزید بلند ہوگا۔
آٹھ ٹیموں کے ساتھ ٹورنامنٹ میں نئے کمبی نیشنز دیکھنے کو ملیں گے اور کھلاڑیوں کی نیلامی کا نظام انہیں اپنی مارکیٹ ویلیو سمجھنے میں مدد دے گا۔ شاداب خان نے اعتراف کیا کہ انہیں دیگر فرنچائزز سے بھی پیشکشیں موصول ہوئیں لیکن وہ اسلام آباد یونائیٹڈ کے ساتھ وفادار ہیں اور جب تک ٹیم انتظامیہ انہیں ریلیز نہیں کرتی وہ کہیں نہیں جائیں گے۔
اسلام آباد یونائیٹڈ کی ٹیم کے حوالے سے انہوں نے بتایا کہ اسکواڈ میں نوجوان اور تجربہ کار کھلاڑیوں کا متوازن امتزاج موجود ہے۔ فاسٹ بولنگ کے شعبے پر خصوصی توجہ دی گئی ہے تاکہ کھلاڑیوں کو آرام کا موقع مل سکے اور ورک لوڈ کا انتظام بہتر رہے۔ ٹیم کی قیادت کے حوالے سے ان کا ماننا ہے کہ کھلاڑیوں کو آزادی دینے سے وہ ٹیم کے ساتھ اپنائیت محسوس کرتے ہیں جو کپتان کے لیے کام آسان بناتی ہے۔
اپنی حالیہ کارکردگی پر بات کرتے ہوئے شاداب خان نے تسلیم کیا کہ وہ انگلینڈ اور سری لنکا کے خلاف عالمی کپ میں توقعات کے مطابق کھیل پیش نہیں کر سکے۔ انہوں نے عزم ظاہر کیا کہ مستقبل میں موقع ملنے پر وہ اپنی کوتاہیوں کو دور کریں گے۔
ٹیم کی کوچنگ کے حوالے سے انہوں نے بتایا کہ مائیک ہیسن کی جگہ لیوک رونکی ذمہ داریاں سنبھالیں گے۔ رونکی پہلے بھی ٹیم کا حصہ رہ چکے ہیں جس سے کھلاڑیوں کے ساتھ ان کی کیمسٹری بہتر رہے گی۔ اسکواڈ میں ڈیون کونوے اور مارک چیپٹن جیسے بین الاقوامی کھلاڑیوں کے ساتھ ساتھ حیدر علی، مہران ممتاز، سمیر منہاس اور محمد فیضان شامل ہیں۔
شاداب خان نے کہا کہ ٹیم گزشتہ سیزن میں لاہور قلندرز کے خلاف کوالیفائر میں شکست کا بدلہ لینے کے لیے پرعزم ہے۔ انہوں نے راولپنڈی کی نئی ٹیم کی شمولیت کو خوش آئند قرار دیتے ہوئے کہا کہ اس سے ایک نئی اور دلچسپ حریفانہ کشمکش جنم لے گی۔ کپتان نے مزید کہا کہ نیشنل ٹی ٹوئنٹی کپ نے کھلاڑیوں کو پی ایس ایل گیارہ کی تیاری کا بہترین موقع فراہم کیا اور اس طرح کے ٹورنامنٹس سے کھلاڑیوں کا اعتماد بحال ہوتا ہے۔
چیف آف آرمی اسٹاف اینڈ چیف آف ڈیفنس فورسز فیلڈ مارشل سید عاصم منیر، چیف…
گومل یونیورسٹی ڈیرہ اسماعیل خان کی انتظامیہ نے واضح کیا ہے کہ کیمپس میں ہراسانی…
جرمن چانسلر فریڈرک مرز نے کہا ہے کہ یورپ نیٹو اتحاد کو فعال رکھنے کے…
گزشتہ ماہ غزہ جانے والے امدادی قافلے کو اسرائیلی فورسز کی جانب سے روکے جانے…
چیف آف ڈیفنس فورسز اور آرمی اسٹاف فیلڈ مارشل سید عاصم منیر اتوار کی صبح…
برطانیہ نے آبنائے ہرمز میں تجارتی جہاز رانی کو محفوظ بنانے کے لیے اپنے جنگی…