ملک میں انتشار پھیلانے والوں کو کسی صورت برداشت نہیں کیا جائے گا: عابد شیر علی

فیصل آباد میں پریس کانفرنس سے خطاب کرتے ہوئے مسلم لیگ ن کے سینئر رہنما اور سینیٹر عابد شیر علی نے کہا ہے کہ ملک میں انتشار پھیلانے کا ایجنڈا رکھنے والوں کے لیے واضح پیغام ہے کہ حکومت اب مزید برداشت کا مظاہرہ نہیں کرے گی۔

عابد شیر علی کا کہنا تھا کہ ایران کے حالیہ معاملے میں پاکستان کے کردار کو عالمی سطح پر سراہا جا رہا ہے۔ انہوں نے اس سفارتی کامیابی کا سہرا آرمی چیف جنرل سید عاصم منیر اور وفاقی حکومت کے سر باندھا۔

سینیٹر عابد شیر علی نے کہا کہ ایک وقت تھا جب پاکستان کو دہشت گردی سے جوڑا جاتا تھا مگر آج ہمارا ملک ایک ثالث کا کردار ادا کر رہا ہے۔ انہوں نے مزید کہا کہ ملک کو عدم استحکام سے دوچار کرنے والے عناصر کی کوششیں ناکام ہوں گی۔

مسلم لیگ ن کے رہنما نے الزام عائد کیا کہ عارف اجاکیہ ایک بھارتی ایجنٹ ہے جس سے بانی پی ٹی آئی کے بیٹوں کی ملاقات ذلفی بخاری کی مدد سے کرائی گئی۔ انہوں نے کہا کہ یہ وہی لوگ ہیں جو پاکستان کو سری لنکا بنانے کی باتیں کرتے تھے۔

عابد شیر علی نے اپنے بیان میں مزید کہا کہ پاکستان آج معاشی اور سیاسی استحکام کی جانب گامزن ہے اور اس سفر میں موجودہ سیاسی اور عسکری قیادت کا کردار کلیدی حیثیت رکھتا ہے۔

ویب ڈیسک

Recent Posts

ٹانک: سی ٹی ڈی کا آپریشن، دو دہشت گرد ہلاک

ضلع ٹانک میں محکمہ انسداد دہشت گردی نے ایک اہم آپریشن کے دوران کالعدم ٹی…

5 منٹس ago

وفاقی آئینی عدالت کا آئینی تشریح میں اپنی بالادستی کا اعلان

فیڈرل کانسٹیٹیوشنل کورٹ نے ایک اہم فیصلے میں قرار دیا ہے کہ آئینی تشریح اور…

10 منٹس ago

پاکستان میں سونے کی قیمتوں میں بڑا اضافہ، فی تولہ نرخ 4 لاکھ 79 ہزار سے تجاوز کر گئے

پاکستان میں سونے کی قیمتوں میں تیزی کا رجحان برقرار ہے اور بدھ کے روز…

2 گھنٹے ago

جنگ بندی کے دعووں کے باوجود غزہ پر اسرائیلی حملے جاری، 700 فلسطینی شہید

غزہ میں جنگ بندی کے تمام تر دعووں کے باوجود اسرائیلی جارحیت کا سلسلہ بدستور…

3 گھنٹے ago

پنجاب میں تعلیمی ادارے یکم اپریل سے کھلیں گے، وزیر تعلیم کا اعلان

صوبہ پنجاب بھر کے تمام تعلیمی ادارے یکم اپریل سے دوبارہ کھل جائیں گے۔ صوبائی…

4 گھنٹے ago

بورے والا: پرانی دشمنی پر فائرنگ سے ایک شخص جاں بحق

بورے والا کے نواحی علاقے 435 ای بی میں دیرینہ دشمنی کی بنا پر نامعلوم…

4 گھنٹے ago