اسلام آباد کی انسداد دہشت گردی عدالت نے پاکستان تحریک انصاف کے رہنماؤں کی عبوری ضمانتوں میں اکیس مئی تک توسیع کر دی ہے۔ عدالت نے متعلقہ حکام کو حکم دیا ہے کہ اس تاریخ تک پی ٹی آئی رہنماؤں کو گرفتار نہ کیا جائے۔
انسداد دہشت گردی عدالت کے جج ابوالحسنات محمد ذوالقرنین نے پی ٹی آئی رہنماؤں کے خلاف دائر مقدمات کی سماعت کی۔ یہ مقدمات چھبیس نومبر کے احتجاج، سنگجانی ریلی اور سپریم کورٹ کے باہر کیے گئے مظاہروں سے متعلق ہیں۔
سماعت کے دوران عمر نیازی، رؤف حسن اور اعظم سواتی سمیت تحریک انصاف کے متعدد رہنما عدالت میں پیش ہوئے۔ عدالت نے مجموعی طور پر دو سو تیس سے زائد مقدمات میں عبوری ضمانتوں میں توسیع کا حکم جاری کیا۔
عدالت نے فریقین کو ہدایت کی ہے کہ آئندہ سماعت پر اپنے حتمی دلائل پیش کریں۔ واضح رہے کہ پی ٹی آئی رہنماؤں کے خلاف تھانہ ترنول، رمنا، آبپارہ اور سیکرٹریٹ سمیت وفاقی دارالحکومت کے مختلف تھانوں میں مقدمات درج ہیں۔
چین خلاء میں امریکہ کی بالادستی کو چیلنج کرنے کے لیے کمر بستہ ہو گیا…
پنجاب بھر میں میٹرک کے سالانہ امتحانات کل بروز بدھ سے شروع ہوں گے جس…
اداکارہ عینا آصف کی جانب سے نجی ٹی وی چینل کے چاند رات خصوصی شو…
اسلام آباد کی انسدادِ دہشت گردی عدالت نے چھبیس نومبر کو سنگجانی جلسے، سپریم کورٹ…
امریکی صدر ڈونلڈ ٹرمپ مئی کے وسط میں چین کا دورہ کریں گے جہاں ان…
امریکی صدر ڈونلڈ ٹرمپ نے اعتراف کیا ہے کہ وہ ایران کے ساتھ جاری فوجی…