پنجاب بھر میں میٹرک کے سالانہ امتحانات کل بروز بدھ سے شروع ہوں گے جس کے لیے انتظامیہ نے سکیورٹی کے سخت انتظامات مکمل کر لیے ہیں۔ صوبے بھر کے 880 امتحانی مراکز میں تقریباً ڈھائی لاکھ امیدوار شرکت کریں گے۔ امتحانات کا آغاز عربی، کمرشل جیوگرافی اور تاریخ کے پرچوں سے ہوگا۔
لاہور میں 14 امتحانی مراکز کو انتہائی حساس قرار دیا گیا ہے۔ ان مراکز میں گورنمنٹ این ڈی اسلامیہ ہائی اسکول اچھرہ، گورنمنٹ ہائی اسکول برکی، گورنمنٹ سائنس کالج برکی، گورنمنٹ ہائی اسکول اٹؤکی اعوان، گورنمنٹ ہائی اسکول جلو موڑ، چونگ، ماراکا کوارٹر اور شیر شاہ کالونی شامل ہیں۔
لاہور کے علاوہ قصور میں 4، شیخوپورہ میں 7 اور ننکانہ صاحب میں ایک مرکز کو حساس قرار دیا گیا ہے۔ مجموعی طور پر 26 مراکز کی نگرانی سی سی ٹی وی کیمروں کے ذریعے کی جائے گی۔
انتظامیہ نے امتحانی مراکز کے اطراف دفعہ 144 نافذ کر دی ہے۔ مراکز میں صرف درست شناختی کارڈ کے حامل امیدواروں کو داخلے کی اجازت ہوگی جبکہ غیر متعلقہ افراد کا داخلہ مکمل طور پر ممنوع رہے گا۔
امتحانی شیڈول کے مطابق میٹرک کے آخری پرچے 16 اپریل کو پنجابی اور اسلامی تاریخ کے مضامین کے ہوں گے، جس کے فوراً بعد 17 اپریل سے نویں جماعت کے امتحانات کا سلسلہ شروع ہو جائے گا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…