نائب وزیراعظم اور وزیر خارجہ اسحاق ڈار اور چین کے وزیر خارجہ وانگ یی کے درمیان ٹیلی فونک رابطہ ہوا ہے جس میں مشرق وسطیٰ کی بگڑتی ہوئی صورتحال پر گہری تشویش کا اظہار کیا گیا ہے۔ دونوں رہنماؤں نے خطے میں قیام امن اور کشیدگی کو کم کرنے کے لیے فوری سفارتی کوششوں پر اتفاق کیا ہے۔
اسحاق ڈار نے سماجی رابطے کی ویب سائٹ ایکس پر اپنے بیان میں کہا کہ انہوں نے چینی ہم منصب کے ساتھ مغربی ایشیا کی بدلتی ہوئی صورتحال پر تفصیلی تبادلہ خیال کیا۔ دونوں ممالک نے اس بات پر زور دیا کہ شہریوں کے تحفظ کو یقینی بنانا اور اقوام متحدہ کے چارٹر کی پاسداری کرنا وقت کی اہم ضرورت ہے۔
ملاقات میں ایران سے متعلق جاری تنازع اور خطے میں امن کی بحالی پر خصوصی توجہ مرکوز کی گئی۔ دونوں ممالک نے فوری جنگ بندی اور امن مذاکرات کی بحالی کی ضرورت کو دہرایا۔ اس کے علاوہ عالمی توانائی کی ترسیل کے اہم راستوں بالخصوص آبنائے ہرمز میں جہاز رانی کے تحفظ پر بھی تشویش کا اظہار کیا گیا۔
چینی وزارت خارجہ کے اعلامیے کے مطابق بیجنگ اور اسلام آباد نے غیر فوجی اہداف اور اہم آبی گزرگاہوں کی حفاظت کے لیے مشترکہ کوششیں کرنے کا عزم ظاہر کیا ہے۔ وانگ یی نے اعتراف کیا کہ موجودہ حالات میں امن مذاکرات کا آغاز ایک مشکل مرحلہ ہے تاہم خطے میں استحکام اور تجارتی جہاز رانی کی بحالی کے لیے یہ ناگزیر ہے۔
چینی وزیر خارجہ نے خطے میں امن کے قیام کے لیے پاکستان کی سفارتی کوششوں اور ثالثی کے کردار کو سراہا۔ دونوں ممالک نے اس عزم کا اعادہ کیا ہے کہ تنازعات کا حل صرف بات چیت اور سفارتکاری کے ذریعے ہی ممکن ہے اور اس ضمن میں دونوں ممالک ایک مربوط لائحہ عمل کے تحت کام جاری رکھیں گے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…