مغربی ہواؤں کا سلسلہ پاکستان میں داخل ہو چکا ہے جس کے نتیجے میں آج سے 31 مارچ تک ملک کے بیشتر حصوں میں بارشوں کا امکان ہے۔ محکمہ موسمیات کے مطابق اس دوران وقفے وقفے سے بارش کا سلسلہ جاری رہے گا۔ لاہور میں مطلع ابر آلود رہنے کے ساتھ ساتھ وقفے وقفے سے بارش متوقع ہے۔ شہر کا موجودہ درجہ حرارت 24 ڈگری سینٹی گریڈ ریکارڈ کیا گیا ہے جبکہ کم سے کم درجہ حرارت 19 اور زیادہ سے زیادہ 31 ڈگری سینٹی گریڈ تک جانے کا امکان ہے۔
خیبر پختونخوا کے بیشتر اضلاع میں گرج چمک کے ساتھ بارش کی پیش گوئی کی گئی ہے۔ پشاور، صوابی، مردان، چارسدہ اور نوشہرہ سمیت چترال، دیر، سوات، کوہستان، شانگلہ، بٹگرام اور مانسہرہ میں بادل برسیں گے۔ ایبٹ آباد، ہری پور، بالاکوٹ، خیبر، مہمند، باجوڑ، اورکزئی، کرم، کوہاٹ اور ہنگو میں بھی تیز ہواؤں اور گرج چمک کے ساتھ بارش متوقع ہے۔ بنوں، لکی مروت، کرک، ڈیرہ اسماعیل خان اور وزیرستان میں بھی بارش کا امکان ہے جبکہ بالائی علاقوں میں برف باری اور میدانی علاقوں میں چند مقامات پر ژالہ باری ہو سکتی ہے۔ گزشتہ روز دیر میں 4 ملی میٹر جبکہ کالام، پٹن اور تیمرگرہ میں ایک ایک ملی میٹر بارش ریکارڈ کی گئی۔
بلوچستان کے بیشتر اضلاع میں مطلع ابر آلود رہے گا۔ کیچ، پنجگور، آواران، لسبیلہ، حب، گوادر، خضدار، سوراب، قلات اور نوشکی میں بارش کا امکان ہے۔ خاران، مستونگ، کوئٹہ، بولان، زیارت، ہرنائی، کچھی، سبی، کوہلو اور بارکھان میں موسلا دھار بارش متوقع ہے۔ ڈیرہ بگٹی، ژوب، موسیٰ خیل، شیرانی، لورالائی، قلعہ سیف اللہ، قلعہ عبداللہ اور چمن میں بھی گرج چمک کے ساتھ بارش ہوگی۔ محکمہ موسمیات نے خبردار کیا ہے کہ بارش کے باعث خضدار، کیچ اور شمالی اضلاع کے برساتی ندی نالوں میں درمیانے درجے کے سیلابی ریلوں کا خطرہ ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…