اسلام آباد ہائی کورٹ کے چیف جسٹس سرفراز ڈوگر نے ارتھ آور 2026 کے موقع پر پاکستانی عوام، سرکاری اداروں اور قانونی برادری پر زور دیا ہے کہ وہ ماحولیاتی تحفظ کے لیے متحد ہو جائیں۔ انہوں نے کہا کہ سال 2023 سے 2025 تک کا عرصہ عالمی سطح پر گرم ترین رہا ہے، جس کے پیش نظر موجودہ نسل پر لازم ہے کہ وہ کرہ ارض کے تحفظ کی ذمہ داری کا احساس کرے۔
چیف جسٹس نے واضح کیا کہ پاکستان میں تمام ترقیاتی منصوبوں کے لیے ماحولیاتی اثرات کا جائزہ لینا لازمی قرار دیا گیا ہے۔ انہوں نے بتایا کہ ہائی کورٹ کا گرین بنچ نباتات اور حیوانات کے تحفظ کے لیے کوشاں ہے، جبکہ انوائرنمنٹل پروٹیکشن ٹربیونل اسلام آباد ماحولیاتی مقدمات کے فوری حل میں اپنا کردار ادا کر رہا ہے۔
عدالتی فیصلوں کے حوالے سے گفتگو کرتے ہوئے انہوں نے شہلا ضیاء اور مونال ریسٹورنٹ کیسز کا حوالہ دیا اور کہا کہ مارگلہ ہلز نیشنل پارک میں غیر قانونی کان کنی، درختوں کی کٹائی اور تجاوزات کے خلاف سخت ہدایات جاری کی گئی ہیں۔ عدلیہ صنعتی و فضائی آلودگی کے خاتمے اور ویسٹ مینجمنٹ کے نظام کو بہتر بنانے کے لیے بھی متحرک ہے۔
چیف جسٹس سرفراز ڈوگر نے عوام سے اپیل کی کہ وہ پانی کے تحفظ، شجرکاری اور فضلے میں کمی لاتے ہوئے پائیدار طرز زندگی اپنائیں۔ اس عزم کے اظہار کے طور پر اسلام آباد ہائی کورٹ کی عمارت میں 28 مارچ کو رات ساڑھے آٹھ بجے سے ساڑھے نو بجے تک لائٹس بند رکھی جائیں گی۔
انہوں نے اپنے پیغام کے آخر میں کہا کہ ماحولیات کا تحفظ ایک اجتماعی ذمہ داری ہے اور ہر چھوٹا سا قدم ایک بڑی اور بامعنی تبدیلی کا پیش خیمہ ثابت ہو سکتا ہے۔
کراچی کی ڈسٹرکٹ اینڈ سیشن عدالت نے منشیات فروشی اور غیر قانونی اسلحہ کی فراہمی…
امریکی صدر ڈونلڈ ٹرمپ تین روزہ سرکاری دورے پر بیجنگ پہنچ گئے ہیں جہاں ان…
اسلام آباد میں ایوان صدر کے اندر منعقدہ ایک پروقار تقریب میں صدر مملکت آصف…
امریکی صدر ڈونلڈ ٹرمپ دو بڑی عالمی طاقتوں کے درمیان کشیدگی کم کرنے کے مقصد…
وفاقی وزیر اطلاعات عطا اللہ تارڑ نے کہا ہے کہ پاکستان فضائیہ نے معرکہ حق…
کراچی میں چین کے تجارتی اور صنعتی وفد نے فیڈریشن ہاؤس کا دورہ کیا ہے…