پاکستان کی قیادت کو مشرق وسطیٰ میں امن کوششوں کو فروغ دینے اور امریکی صدر ڈونلڈ ٹرمپ کے 15 نکاتی فارمولے پر عمل درآمد میں کلیدی کردار ادا کرنے پر عالمی سطح پر سراہا جا رہا ہے۔
امریکی ایوان نمائندگان کی خارجہ امور کمیٹی کے رکن ریان زِنکے نے سماجی رابطے کی ویب سائٹ ایکس پر اپنے پیغام میں پاکستان کے اقدام کی تعریف کی۔ انہوں نے کہا کہ ہاؤس فارن افیئرز کمیٹی کے رکن کی حیثیت سے میں پاکستان کی قیادت اور امن مذاکرات کی میزبانی کرنے پر خراج تحسین پیش کرتا ہوں جس کے ذریعے صدر ٹرمپ کا مشرق وسطیٰ میں امن کا 15 نکاتی منصوبہ آگے بڑھایا گیا ہے۔
ایران کے سفیر برائے پاکستان رضا امیری مقدم نے بھی اسلام آباد کی کوششوں کا خیرمقدم کیا ہے۔ انہوں نے ان کاوشوں کو ایران کے خلاف امریکی و اسرائیلی جارحیت کو روکنے اور خطے میں امن و استحکام کی بحالی کے لیے ایک دوستانہ اور برادرانہ اقدام قرار دیا۔ ایرانی سفیر کا کہنا ہے کہ مذاکرات کے حوالے سے مزید تفصیلات بعد میں جاری کی جائیں گی۔
دریں اثنا دفتر خارجہ کے مطابق ترک وزیر خارجہ ہاکن فیدان نے اپنے پاکستانی ہم منصب اسحاق ڈار کے ساتھ ٹیلی فونک رابطہ کیا جس میں دوطرفہ تعلقات کو مزید مستحکم کرنے کے عزم کا اعادہ کیا گیا۔
ترک وزیر خارجہ نے اسلام آباد میں منعقدہ چار ملکی وزرائے خارجہ کے اجلاس کے دوران پاکستان کی جانب سے فراہم کردہ مہمان نوازی پر شکریہ ادا کیا اور اس اقدام کو سراہا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…