کوئٹہ میں وزیراعلیٰ بلوچستان سرفراز بگٹی نے کہا ہے کہ صوبے بھر میں اساتذہ اور ڈاکٹروں کی غیر حاضری کے تناسب میں نمایاں کمی آئی ہے جس کی بنیادی وجہ موثر نگرانی اور گڈ گورننس کا قیام ہے۔
سماجی رابطے کی ویب سائٹ ایکس پر اپنے بیان میں وزیراعلیٰ نے بتایا کہ اساتذہ اور ڈاکٹروں کی غیر حاضری سے متعلق شکایات کی شرح ایک فیصد سے بھی کم رہ گئی ہے جو کہ سرکاری خدمات کی فراہمی میں ایک بڑی بہتری کی عکاسی کرتی ہے۔
سرفراز بگٹی کے مطابق گزشتہ نو ماہ کے دوران صوبے کے 36 اضلاع میں 412 کھلی کچہریوں کا انعقاد کیا گیا جن میں 3 ہزار 675 شکایات موصول ہوئیں۔ ان میں سے زیادہ تر شکایات کا تعلق اسکولوں اور ہسپتالوں کی بندش اور عملے کی غیر حاضری سے تھا۔
اعداد و شمار کا حوالہ دیتے ہوئے وزیراعلیٰ نے بتایا کہ مارچ کے مہینے میں موصول ہونے والی 871 شکایات میں سے صرف چار شکایات اساتذہ اور ڈاکٹروں کی غیر حاضری سے متعلق تھیں، جس سے ثابت ہوتا ہے کہ اس مسئلے پر کافی حد تک قابو پا لیا گیا ہے۔
وزیراعلیٰ نے اس کامیابی کو بروقت اور موثر انتظامی اقدامات کا نتیجہ قرار دیتے ہوئے کہا کہ سرکاری اداروں کی کارکردگی میں بہتری آئی ہے اور اب عوام کھلی کچہریوں میں خدمات کی فراہمی سے متعلق دیگر مسائل اٹھا رہے ہیں۔
انہوں نے اعادہ کیا کہ صوبائی حکومت عوامی شکایات کے ازالے اور بنیادی سہولیات کی فراہمی کے لیے پرعزم ہے تاکہ بلوچستان میں شفافیت اور گڈ گورننس کو فروغ دیا جا سکے۔
سرفراز بگٹی نے مزید کہا کہ صوبے بھر کے اسکولوں اور ہسپتالوں کو مکمل طور پر فعال بنایا جا رہا ہے تاکہ اساتذہ اپنی تعلیمی ذمہ داریاں نبھائیں اور ڈاکٹرز ہسپتالوں میں موجود رہ کر مریضوں کو طبی سہولیات فراہم کر سکیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…