کراچی میں شدید بارش اور تیز ہواؤں کے باعث پیش آنے والے مختلف حادثات میں پانچ افراد جاں بحق جبکہ تین بچے زخمی ہوگئے۔
اولڈ گولیمار کے علاقے بسم اللہ ہوٹل کے قریب مکان کی دیوار گرنے سے رکشہ ڈرائیور ارشاد موقع پر ہی دم توڑ گیا۔ اورنگی ٹاؤن میں پیش آنے والے ایک اور واقعے میں دیوار گرنے سے تیرہ سالہ قاسم، چودہ سالہ امیر معاویہ اور سات سالہ رحمن شدید زخمی ہوئے جنہیں فوری طبی امداد کے لیے ہسپتال منتقل کیا گیا۔
شہر کے مختلف علاقوں میں کرنٹ لگنے کے واقعات میں بھی قیمتی جانوں کا ضیاع ہوا۔ پی آئی بی کالونی میں ایک ہوٹل کے قریب عبد الولی بجلی کا کرنٹ لگنے سے جاں بحق ہوا جبکہ نیو کراچی کے علاقے حسن بروہی گوٹھ میں گھر میں کام کے دوران تئیس سالہ سرتاج کرنٹ لگنے سے چل بسا۔
ایم اے جناح روڈ کے قریب ایک نامعلوم شخص بھی کرنٹ لگنے کے باعث جان کی بازی ہار گیا، جبکہ سپر ہائی وے کے قریب احسن آباد میں شہاب الدین نامی شہری بجلی کا جھٹکا لگنے سے زندگی کی بازی ہار گیا۔
انتظامیہ نے شہریوں کو ہدایت کی ہے کہ خراب موسم کے دوران غیر معمولی احتیاط برتیں اور کمزور تعمیرات کے ساتھ ساتھ کھلے بجلی کے تاروں اور تنصیبات سے دور رہیں۔
ٹیکنو نے پاکستان میں اپنے نئے اسمارٹ فون کیمون 50 پرو کی پری بکنگ کا…
ماسکو: روس نے اعلان کیا ہے کہ وہ ایران کے شہر بوشہر میں قائم جوہری…
نائب وزیراعظم اور وزیر خارجہ اسحاق ڈار نے جمعرات کے روز مصر اور ازبکستان کے…
امریکی صدر ڈونلڈ ٹرمپ نے ایران کے خلاف جاری فوجی مہم کے حوالے سے قوم…
آسٹریا نے ایران کے خلاف فوجی کارروائیوں کے لیے اپنی فضائی حدود استعمال کرنے کی…
امریکی صدر ڈونلڈ ٹرمپ نے نیٹو اتحادیوں کی جانب سے ایران کے خلاف جنگ میں…