الیکشن کمیشن آف پاکستان نے خیبر پختونخوا سے سینیٹ کی خالی نشست پر ضمنی انتخاب کا شیڈول جاری کر دیا ہے۔ یہ نشست مراد سعید کی نااہلی کے بعد خالی ہوئی تھی۔
آئین کے آرٹیکل 224 کی ذیلی شق 5 اور الیکشن ایکٹ 2017 کی دفعات 107 اور 127 کے تحت جاری کردہ نوٹیفکیشن کے مطابق صوبائی اسمبلی کے اراکین نئے سینیٹر کا انتخاب کریں گے۔
شیڈول کے مطابق ریٹرننگ آفیسر کی جانب سے کاغذات نامزدگی جمع کرانے کے لیے عوامی نوٹس 3 اپریل کو جاری کیا جائے گا۔ امیدوار 6 اور 7 اپریل کو اپنے کاغذات نامزدگی جمع کرا سکیں گے جبکہ نامزد امیدواروں کی فہرست 8 اپریل کو جاری کی جائے گی۔
کاغذات نامزدگی کی جانچ پڑتال کا عمل 10 اپریل تک مکمل کیا جائے گا۔ کاغذات کی منظوری یا مسترد ہونے کے خلاف اپیلیں 13 اپریل تک دائر کی جا سکیں گی جن پر ٹربیونل 15 اپریل تک فیصلہ سنائے گا۔
امیدواروں کی نظرثانی شدہ فہرست 16 اپریل کو جاری کی جائے گی جبکہ کاغذات نامزدگی واپس لینے کی آخری تاریخ 17 اپریل مقرر کی گئی ہے۔
پولنگ 23 اپریل کو پشاور میں صوبائی اسمبلی کی عمارت میں ہوگی اور ووٹنگ کا عمل صبح 9 بجے سے شام 4 بجے تک جاری رہے گا۔ یہ نوٹیفکیشن الیکشن کمیشن کی جانب سے ڈپٹی ڈائریکٹر کوآرڈینیشن محمد اسد علی نے جاری کیا ہے۔
محکمہ موسمیات نے ملک بھر میں آئندہ چوبیس گھنٹوں کے دوران تیز ہواؤں اور گرج…
پاکستان نے واضح کیا ہے کہ چین اور افغانستان کے ساتھ سہ فریقی میکانزم کے…
ملک بھر میں ایل پی جی کی قیمتیں سرکاری نرخوں سے کہیں زیادہ بلند ہو…
راولپنڈی کے جوڈیشل کمپلیکس میں ایڈیشنل ڈسٹرکٹ اینڈ سیشن کورٹس نے قتل کے تین مختلف…
خلیج تعاون کونسل کے سیکریٹری جنرل جاسم البدیوی نے اقوام متحدہ کی سلامتی کونسل سے…
بلوچستان کے مختلف علاقوں میں حالیہ بارشوں اور ژالہ باری کے بعد زیر زمین پانی…