ملکی اور بین الاقوامی منڈیوں میں ہفتے کے روز سونے اور چاندی کی قیمتیں مستحکم رہیں۔ مقامی صرافہ بازار میں فی تولہ سونا 4 لاکھ 90 ہزار 362 روپے پر برقرار رہا جبکہ 10 گرام سونے کی قیمت 4 لاکھ 20 ہزار 406 روپے ریکارڈ کی گئی۔ عالمی منڈی میں بھی سونے کے نرخ 4 ہزار 676 ڈالر فی اونس پر مستحکم رہے۔
آل پاکستان جیمز اینڈ جیولرز صرافہ ایسوسی ایشن کے مطابق چاندی کی قیمتوں میں بھی استحکام دیکھا گیا۔ مقامی سطح پر فی تولہ چاندی 7 ہزار 794 روپے اور 10 گرام چاندی 6 ہزار 682 روپے پر فروخت ہوتی رہی۔ عالمی منڈی میں چاندی کی فی اونس قیمت 73 اعشاریہ 10 ڈالر پر برقرار رہی۔
یاد رہے کہ اس سے قبل جمعہ کے روز مقامی مارکیٹ میں سونے کی قیمت میں 3 ہزار 400 روپے فی تولہ کا اضافہ ہوا تھا جس کے بعد نرخ 4 لاکھ 90 ہزار 362 روپے تک پہنچ گئے تھے۔ اسی طرح 10 گرام سونے کی قیمت میں 2 ہزار 915 روپے کا اضافہ ہوا تھا۔ جمعرات کے روز سونے کی قیمت میں 7 ہزار 100 روپے کی نمایاں کمی دیکھی گئی تھی جس کے بعد فی تولہ سونا 4 لاکھ 86 ہزار 962 روپے پر آ گیا تھا۔
ادھر انٹربینک مارکیٹ میں جمعہ کے روز پاکستانی روپے کی قدر میں معمولی بہتری دیکھی گئی۔ کاروباری سرگرمیوں کے اختتام پر امریکی ڈالر کے مقابلے میں روپیہ ایک پیسے کے اضافے سے 279 اعشاریہ 10 روپے پر بند ہوا۔ جمعرات کے روز ڈالر 279 اعشاریہ 11 روپے پر بند ہوا تھا۔
عالمی مالیاتی منڈیوں میں چینی یوآن امریکی ڈالر کے مقابلے میں مستحکم رہا۔ سرمایہ کاروں کی توجہ امریکی پے رول ڈیٹا کے اجرا پر مرکوز رہی۔ اس سے قبل امریکی صدر ڈونلڈ ٹرمپ کی جانب سے ایران کے ساتھ تنازع کے طویل ہونے کے اشاروں کے بعد محفوظ اثاثوں کی طلب بڑھنے سے ڈالر کی قدر میں اضافہ ہوا تھا۔ جمعہ کو چینی یوآن 6 اعشاریہ 8930 کے نرخ پر کھلا اور گزشتہ بندش کے مقابلے میں 37 پپس اضافے کے ساتھ ٹریڈ کرتا رہا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…