وزیراعظم شہباز شریف نے کہا ہے کہ مشکل حالات میں عوام کو تنہا نہیں چھوڑیں گے اور عام آدمی کو ریلیف کی فراہمی حکومت کی اولین ترجیح ہے۔ اسلام آباد میں پیٹرولیم ذخائر اور امدادی اقدامات کے حوالے سے منعقدہ ایک اہم اجلاس کی صدارت کرتے ہوئے وزیراعظم کو سبسڈی کے عملدرآمد پر بریفنگ دی گئی۔
اجلاس میں حکام نے آگاہ کیا کہ پبلک ٹرانسپورٹ اور مال بردار گاڑیوں کے آپریٹرز کو ڈیجیٹل والٹس کے ذریعے مالی معاونت کی فراہمی شروع کر دی گئی ہے۔ وزیراعظم نے کہا کہ شفاف اور موثر نظام کے تحت بسوں، ویگنوں، ٹرکوں اور دیگر کارگو گاڑیوں کے لیے سبسڈی کی ڈیجیٹل منتقلی کا عمل شروع کر دیا گیا ہے تاکہ معاشی طور پر کمزور طبقات تک بروقت ریلیف پہنچایا جا سکے۔
شہباز شریف نے اعادہ کیا کہ مشکل وقت میں عوام کی حمایت حکومت کی بنیادی ذمہ داری ہے۔ انہوں نے واضح کیا کہ کفایت شعاری کی پالیسی سے بچائی گئی رقوم کو عوامی فلاح و بہبود کے منصوبوں پر خرچ کیا جائے گا۔
اجلاس کے دوران حکام نے وزیراعظم کو یقین دلایا کہ ملک کی ضروریات پوری کرنے کے لیے پیٹرولیم کے وافر ذخائر موجود ہیں۔ اجلاس میں وفاقی وزراء مصدق ملک، عطا اللہ تارڑ، علی پرویز ملک، معاون خصوصی طلحہ برکی اور دیگر اعلیٰ حکام نے شرکت کی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…