بورڈ آف سیکنڈری ایجوکیشن کراچی نے میٹرک کے امتحانات ملتوی کر دیے ہیں۔ سات اپریل کو ہونے والے پرچے اب دس اپریل بروز جمعہ کو منعقد کیے جائیں گے۔ امتحانی شیڈول میں تبدیلی کی بنیادی وجہ ایڈمٹ کارڈز کے اجراء میں درپیش مشکلات ہیں۔
بورڈ انتظامیہ کا کہنا ہے کہ تعلیمی اداروں خصوصاً نجی اسکولوں کی جانب سے امتحانی فارمز جمع کرانے میں تاخیر ہوئی۔ گزشتہ چند روز کے دوران ہزاروں فارمز لیٹ فیس کے ساتھ موصول ہوئے جس کے باعث ایڈمٹ کارڈز جاری کرنے کے نظام پر دباؤ بڑھ گیا اور طلباء و والدین میں تشویش پائی جا رہی تھی۔
بورڈ کے ترجمان کے مطابق تاخیر کی ایک وجہ بورڈ کے روایتی نظام سے ڈیجیٹل نظام کی جانب منتقلی بھی ہے۔ ڈیٹا کی بڑی مقدار کے باعث سافٹ ویئر پر عارضی بوجھ پڑا جسے ٹھیک کرنے کے لیے آئی ٹی ٹیمیں مصروف عمل ہیں۔
طلباء اور ان کے والدین کا کہنا ہے کہ گزشتہ برس کے مقابلے میں اس سال ایڈمٹ کارڈز کا حصول انتہائی مشکل ہو چکا ہے اور وہ تیاری کے بجائے انتظامی عمل میں الجھ کر رہ گئے ہیں۔
بورڈ حکام کا مؤقف ہے کہ امتحانات ملتوی کرنے کا فیصلہ اس لیے کیا گیا تاکہ ایڈمٹ کارڈز بروقت جاری کیے جا سکیں اور سالانہ امتحانات کو منظم، مستحکم اور شفاف انداز میں مکمل کیا جا سکے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…