صوبائی حکومت خیبر پختونخوا نے کیش لیس اکانومی کے قیام کی جانب اہم پیش رفت کرتے ہوئے صوبائی اسمبلی میں ڈیجیٹل پیمنٹ ایکٹ 2026 پیش کر دیا ہے۔ صوبائی وزیر قانون آفتاب عالم کی جانب سے متعارف کرائے گئے اس بل کا مقصد صوبے بھر میں کاروباری لین دین کو جدید خطوط پر استوار کرنا ہے۔
مجوزہ قانون کے تحت صوبے کے تمام تجارتی مراکز، دکانوں، تعلیمی اداروں اور ہسپتالوں کے لیے ڈیجیٹل ادائیگیوں کا نظام اپنانا لازمی قرار دیا گیا ہے۔ اس قانون کے مطابق تمام کاروباری مقامات پر صارفین کی سہولت کے لیے کیو آر کوڈز آویزاں کرنا ضروری ہوگا جبکہ ڈیجیٹل ٹرانزیکشنز پر کسی بھی قسم کی اضافی فیس وصول کرنے پر پابندی ہوگی۔
قانون کی خلاف ورزی کرنے والوں کے خلاف سخت سزائیں مقرر کی گئی ہیں۔ کیو آر کوڈ ٹریکنگ کے ذریعے معاشی شفافیت کو یقینی بنایا جائے گا اور تعینات کردہ مانیٹرنگ آفیسرز کو کسی بھی وقت کاروباری مراکز کے معائنے کا اختیار حاصل ہوگا۔
حکومت کی جانب سے نئے رجسٹر ہونے والے کاروباروں کو دو سال کے لیے ٹیکس مراعات دینے کا اعلان بھی کیا گیا ہے۔ اس اقدام کے تحت بینکوں اور سروس فراہم کرنے والے اداروں کو ہدایت کی گئی ہے کہ وہ اس نظام کے نفاذ کے لیے ہر ممکن تکنیکی معاونت فراہم کریں۔
سرکاری حکام کا کہنا ہے کہ اس قانون کے نفاذ سے نقد رقوم پر انحصار کم ہوگا اور ادائیگیوں کا نظام شفاف اور تیز تر ہو جائے گا۔ اس تبدیلی کا مقصد صوبے کی معیشت کو جدید بنانا اور تجارتی و عوامی شعبوں میں احتساب کے عمل کو مضبوط کرنا ہے۔
صوبہ خیبر پختونخوا کے محکمہ ہائر ایجوکیشن کی جانب سے سرکاری کالجز اور یونیورسٹیوں میں…
سابق امریکی سی آئی اے ڈائریکٹر ڈیوڈ پیٹریاس نے انکشاف کیا ہے کہ سنہ 2022…
نیشنل ڈیزاسٹر مینجمنٹ اتھارٹی نے پاکستان بھر میں اگلے بارہ سے چوبیس گھنٹوں کے دوران…
امریکی صدر ڈونلڈ ٹرمپ نے پیر کے روز اپنے ایک بیان میں کہا ہے کہ…
وفاقی حکومت نے توانائی کی بچت اور کفایت شعاری کے اقدامات کے تحت پنجاب، خیبر…
واشنگٹن میں امریکی صدر ڈونلڈ ٹرمپ پیر کی دوپہر ایک بجے وائٹ ہاؤس میں پریس…