نائب وزیراعظم اور وزیر خارجہ سینیٹر محمد اسحاق ڈار نے بدھ کے روز قطر کے وزیر مملکت ڈاکٹر محمد بن عبدالعزیز الخلیفی کے ساتھ ٹیلی فونک رابطہ کیا ہے۔ اس گفتگو کے دوران خطے کی تازہ ترین صورتحال اور باہمی دلچسپی کے امور پر تبادلہ خیال کیا گیا۔
اسحاق ڈار نے خطے میں امن و استحکام کے قیام کے لیے پاکستان کی مسلسل سفارتی کوششوں اور مذاکرات کے فروغ پر زور دیا۔ انہوں نے کہا کہ پاکستان خطے میں کشیدگی کم کرنے اور پائیدار امن کے حصول کے لیے پرعزم ہے۔
قطری وزیر مملکت نے پاکستان کے تعمیری کردار کو سراہتے ہوئے اسحاق ڈار کی کاوشوں کی تعریف کی۔ اس موقع پر ڈاکٹر محمد بن عبدالعزیز الخلیفی نے قطری وزیراعظم شیخ محمد بن عبدالرحمن الثانی کی جانب سے نائب وزیراعظم اسحاق ڈار کے لیے نیک خواہشات کا پیغام بھی پہنچایا۔
دریں اثنا نائب وزیراعظم اسحاق ڈار نے یورپی یونین کی ہائی ریپریزنٹیٹو اور نائب صدر کاجا کالاس سے بھی ٹیلی فون پر رابطہ کیا۔ بات چیت کا محور علاقائی پیش رفت اور امن کی بحالی کے لیے سفارتی کوششیں رہا۔
اسحاق ڈار نے یورپی یونین کی نائب صدر کو پاکستان کی جانب سے مذاکرات اور سفارتکاری کو فروغ دینے کی کوششوں سے آگاہ کیا۔ انہوں نے واضح کیا کہ پاکستان خطے میں دیرپا امن کے قیام کے لیے عملی اقدامات جاری رکھے ہوئے ہے۔
یورپی یونین کی نائب صدر کاجا کالاس نے سفارتی گنجائش پیدا کرنے اور فریقین کے درمیان ابتدائی جنگ بندی کروانے میں پاکستان کے کلیدی کردار کی تعریف کی۔ انہوں نے اس مقصد کے حصول کے لیے پاکستان کی کوششوں کی مکمل حمایت کا اعادہ کیا۔
امریکی محکمہ امیگریشن اینڈ کسٹمز انفورسمنٹ کی تحویل میں رواں سال کے ابتدائی چار ماہ…
مشہور امریکی ڈرامہ سیریز فرینڈز کے اداکار میتھیو پیری کی ہلاکت میں ملوث ڈیلر کو…
ہسپانوی وزیراعظم پیڈرو سانچیز نے امریکہ اور ایران کے درمیان دو ہفتوں کی جنگ بندی…
پاکستان اسٹاک ایکسچینج میں بدھ کے روز غیر معمولی تیزی دیکھی گئی جس کے نتیجے…
نائیجیریا کے شمال مغربی صوبے نائجر میں مسلح افراد کے حملے کے نتیجے میں کم…
اسرائیلی اپوزیشن لیڈر یائر لاپڈ نے وزیراعظم بنجمن نیتن یاہو کی جانب سے امریکہ اور…