نائیجیریا کے شمال مغربی صوبے نائجر میں مسلح افراد کے حملے کے نتیجے میں کم از کم بیس افراد ہلاک اور متعدد لاپتہ ہو گئے ہیں۔ پولیس اور مقامی رہائشیوں کے مطابق یہ واقعہ منگل کے روز پیش آیا جب شدت پسندوں نے دیہات پر دھاوا بول دیا۔
حملہ نائجر کے ضلع شیرورو میں ہوا جہاں اغوا کار گروہ اور عسکریت پسند متحرک ہیں۔ نائجر اسٹیٹ پولیس کے ترجمان واسییو ابیوڈون نے تصدیق کی کہ مسلح افراد نے باگنا اور ارینا کے دیہات میں کارروائی کی جس کے دوران سکیورٹی فورسز کے جوابی ایکشن میں دو کمیونٹی گارڈز اور ایک ڈرائیور ہلاک جبکہ متعدد افراد زخمی ہوئے۔
مقامی رہائشیوں نے سرکاری اعداد و شمار سے اختلاف کرتے ہوئے دعویٰ کیا ہے کہ حملے میں ہلاک ہونے والوں کی تعداد کم از کم بیس ہے۔ عینی شاہدین کے مطابق حملہ آوروں نے کئی گھنٹوں تک علاقے کا محاصرہ کیے رکھا، گھروں کو نذر آتش کیا اور سکیورٹی اہلکاروں کو پسپا ہونے پر مجبور کر دیا۔
خوف و ہراس کے باعث متاثرہ دیہات کے رہائشیوں کی بڑی تعداد نقل مکانی کر کے قریبی قصبوں گواڈا زومبا اور گالادیما کوگو منتقل ہو گئی ہے۔
نائیجیریا میں بڑھتی ہوئی بدامنی سب سے بڑا قومی چیلنج بن چکی ہے۔ صدر بولا تینوبو نے اس صورتحال پر قابو پانے کے لیے ملک کی چھتیس ریاستوں کو اپنی الگ پولیس فورس قائم کرنے کی اجازت دینے پر غور شروع کر دیا ہے تاکہ پرتشدد واقعات کا سدباب کیا جا سکے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…