وفاقی دارالحکومت اسلام آباد میں جاری سفارتی مصروفیات کے پیش نظر فیڈرل بورڈ آف انٹرمیڈیٹ اینڈ سیکنڈری ایجوکیشن نے نو اور دس اپریل کو ہونے والے امتحانات ملتوی کر دیے ہیں۔ اس حوالے سے جاری کردہ باضابطہ نوٹیفکیشن کے مطابق یہ فیصلہ شہر میں جاری اہم سفارتی سرگرمیوں کے تناظر میں کیا گیا ہے۔
امتحانی مراکز کی فہرست کے مطابق جن مراکز میں پیپرز ملتوی کیے گئے ہیں ان میں اسلام آباد ماڈل اسکول فار بوائز جی سکس فور سینٹر اے اور سینٹر بی کے علاوہ اسلام آباد ماڈل اسکول فار گرلز پرائم منسٹر سٹاف کالونی جی فائیو شامل ہیں۔ بورڈ انتظامیہ کا کہنا ہے کہ ملتوی ہونے والے پرچوں کی نئی تاریخوں کا اعلان بعد میں کیا جائے گا۔
دوسری جانب ضلعی انتظامیہ نے وفاقی دارالحکومت میں امریکہ اور ایران کے درمیان ہونے والے مذاکرات کے پیش نظر نو اور دس اپریل کو عام تعطیل کا اعلان کر رکھا ہے۔ ڈسٹرکٹ مجسٹریٹ کے دفتر سے جاری حکم نامے کے تحت ان دو دنوں میں اسلام آباد کی حدود میں مقامی تعطیل ہوگی۔
انتظامیہ نے واضح کیا ہے کہ ہسپتالوں سمیت دیگر ضروری خدمات فراہم کرنے والے ادارے معمول کے مطابق کھلے رہیں گے۔ شہریوں کو ہدایت کی گئی ہے کہ وہ اپنی مصروفیات کا تعین ان تعطیلات اور سفارتی سرگرمیوں کو مدنظر رکھتے ہوئے کریں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…