بیرونِ ملک مقیم پاکستانیوں کا اسلام آباد کی سفارتی کامیابیوں پر اظہارِ فخر

اسلام آباد میں مقیم تارکین وطن پاکستانیوں نے ملکی سفارتی کامیابیوں اور خطے میں کشیدگی کم کرنے کے لیے پاکستان کے کردار کو عالمی سطح پر سراہا ہے۔ بیرون ملک مقیم پاکستانیوں کا کہنا ہے کہ وزیر اعظم شہباز شریف اور آرمی چیف جنرل سید عاصم منیر کی قیادت میں پاکستان کا عالمی تشخص مزید مستحکم ہوا ہے۔

تارکین وطن نے پاکستان کو امن کا فاتح قرار دیتے ہوئے کہا کہ ملک کی موجودہ قیادت کی دانشمندانہ پالیسیوں کے باعث عالمی برادری میں پاکستان کا وقار بلند ہوا ہے۔ ان کا مزید کہنا تھا کہ اعلیٰ سطحی امن مذاکرات کی میزبانی اور سفارتی کوششیں اس بات کا ثبوت ہیں کہ پاکستان ایک ذمہ دار اور امن پسند ملک ہے۔

پاکستانی کمیونٹی کے مطابق عسکری قیادت کی جانب سے اپنائی گئی مربوط اور مؤثر حکمت عملی نے ناقدین کو بھی زمینی حقائق تسلیم کرنے پر مجبور کر دیا ہے۔ بیرون ملک مقیم شہریوں نے اس پیش رفت کو ملکی تاریخ کا ایک اہم باب قرار دیتے ہوئے کہا کہ یہ کامیابیاں قومی وقار اور استحکام کے عزم کی عکاسی کرتی ہیں۔

تارکین وطن نے اس بات پر زور دیا کہ پاکستان کی شناخت خطے میں امن اور استحکام کے فروغ سے جڑی ہوئی ہے۔ ان کا کہنا ہے کہ وزیر اعظم شہباز شریف اور جنرل سید عاصم منیر کا وژن اب بین الاقوامی سطح پر نہ صرف تسلیم کیا جا رہا ہے بلکہ اسے بھرپور پذیرائی بھی مل رہی ہے۔