لاہور ہائی کورٹ نے پتنگ بازی پر پابندی کے باوجود خلاف ورزیوں کے واقعات کا سخت نوٹس لیتے ہوئے متعلقہ حکام سے تفصیلی رپورٹ طلب کر لی ہے۔ جسٹس اویس خالد نے جوڈیشل ایکٹیوزم پینل کی جانب سے دائر درخواستوں پر سماعت کی۔
سماعت کے دوران ایس ایس پی انویسٹی گیشن تقیر احمد اور ڈپٹی کمشنر لاہور عدالت میں پیش ہوئے۔ عدالت نے پتنگ بازی کے قوانین کی خلاف ورزی کرنے والوں کے خلاف درج مقدمات کا مکمل ریکارڈ طلب کر لیا ہے۔
فاضل جج نے استفسار کیا کہ پکڑی جانے والی پتنگیں اور ڈور کو تلف کرنے کا کیا طریقہ کار ہے اور آیا انہیں جلایا جائے گا یا کوئی متبادل لائحہ عمل اپنایا جائے گا۔ عدالت نے پتنگوں اور ڈور کی قیمتوں کے تعین کے طریقہ کار پر بھی وضاحت طلب کی ہے۔
عدالت نے حکام کو ہدایت کی ہے کہ پتنگ بازی کے باعث ہونے والی ہلاکتوں اور زخمی ہونے والے افراد کے واقعات کی مکمل رپورٹ جمع کرائی جائے۔ عدالت نے سختی سے تاکید کی ہے کہ مستقبل میں ایسے حادثات کی روک تھام کے لیے موثر اقدامات کیے جائیں۔ اس معاملے پر مزید سماعت تئیس اپریل تک ملتوی کر دی گئی ہے۔
برطانیہ کے وزیراعظم کیئر اسٹارمر نے پیر کے روز واضح کیا ہے کہ کسی بھی…
بورڈ آف سیکنڈری ایجوکیشن کراچی نے نویں اور دسویں جماعت کے امتحانات کے دوران طالبات…
ہسپانوی وزیر اعظم پیڈرو سانچیز نے چین پر زور دیا ہے کہ وہ موسمیاتی تبدیلی،…
پاکستان اسٹاک ایکسچینج میں پیر کے روز کاروبار کا آغاز شدید مندی کے ساتھ ہوا…
راولپنڈی کی انسداد دہشت گردی عدالت نے بانی پی ٹی آئی کی ہمشیرہ علیمہ خان…
وزیراعظم شہباز شریف رواں ہفتے سعودی عرب کا دورہ کریں گے۔ باخبر ذرائع کے مطابق…