حکومت پنجاب نے صوبے بھر میں موٹر سائیکل سواروں کو ریلیف فراہم کرنے کے لیے 24 ارب روپے کی سبسڈی اسکیم شروع کرنے کا فیصلہ کیا ہے۔ اس سلسلے میں محکمہ خزانہ نے سمری وزیراعلیٰ پنجاب مریم نواز شریف کو منظوری کے لیے بھجوا دی ہے اور وزیراعلیٰ کی جانب سے باضابطہ دستخط ہوتے ہی فنڈز کا اجرا کر دیا جائے گا۔
اس حکومتی اقدام سے صوبے بھر کے تقریباً ساڑھے ایک کروڑ موٹر سائیکل سوار مستفید ہو سکیں گے۔ مجوزہ پلان کے تحت ہر بائیکر کو ماہانہ 2 ہزار روپے کی سبسڈی فراہم کی جائے گی۔
محکمہ ایکسائز کے ذرائع کے مطابق حکومت موٹر سائیکل مالکان کو پیٹرول پر 100 روپے فی لیٹر سبسڈی دینے کا ارادہ رکھتی ہے۔ اب تک اس اسکیم کے لیے 80 لاکھ سے زائد بائیکرز کی رجسٹریشن مکمل ہو چکی ہے۔
اعداد و شمار کے مطابق سن 1980 سے اب تک پنجاب میں تقریباً 5 کروڑ موٹر سائیکلیں رجسٹرڈ ہو چکی ہیں۔ حکام کا کہنا ہے کہ سبسڈی پروگرام کا باقاعدہ آغاز جاری رجسٹریشن کا عمل مکمل ہونے کے بعد کیا جائے گا۔
نیویارک کے میئر زہران ممدانی نے اپنے عہدے کے سو دن مکمل ہونے پر کوئینز…
ڈائیر دیامر تھور کے علاقے میں نامعلوم مسلح افراد کی جانب سے پولیس کی گاڑی…
گھانا کے پریمیئر لیگ کلب بریکم چیلسی کی ٹیم بس پر مسلح ڈاکوؤں کے حملے…
فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کے صدر…
اسلام آباد میں ہونے والے مذاکرات کے بعد خطے میں امن کی بحالی کے لیے…
مشرق وسطیٰ میں جاری کشیدگی اور فضائی حملوں کے باعث دفاعی ذخائر پر پڑنے والے…