محکمہ موسمیات نے ملک کے مختلف حصوں میں گرج چمک کے ساتھ بارش، تیز ہواؤں اور ژالہ باری کی پیش گوئی کرتے ہوئے شہریوں کو احتیاطی تدابیر اختیار کرنے کی ہدایت کر دی ہے۔
محکمہ موسمیات کے مطابق مغربی ہواؤں کا ایک سلسلہ 16 اپریل کو ملک میں داخل ہوگا جس کے زیر اثر 16 سے 19 اپریل کے دوران ملک بھر میں موسلا دھار بارش اور آندھی کا امکان ہے۔
خیبر پختونخوا میں اس دوران بارش کے ساتھ ساتھ پہاڑی علاقوں میں برف باری متوقع ہے۔ بلوچستان کے بیشتر اضلاع میں 17 اور 18 اپریل کو گرد آلود ہواؤں کے ساتھ گرج چمک اور بارش کی پیش گوئی کی گئی ہے۔
اسلام آباد اور پنجاب کے مختلف حصوں میں 16 سے 18 اپریل کے دوران تیز ہواؤں، جھکڑ چلنے اور ژالہ باری کے ساتھ موسلا دھار بارش کا امکان ظاہر کیا گیا ہے۔ سندھ میں گرد آلود ہوائیں چلنے کی توقع ہے۔
گلگت بلتستان اور آزاد کشمیر میں 16 سے 19 اپریل تک تیز ہواؤں اور ہلکی بارش کا سلسلہ جاری رہے گا جبکہ بلند پہاڑی مقامات پر برف باری اور چند مقامات پر ژالہ باری کا خدشہ ہے۔
محکمہ موسمیات نے خبردار کیا ہے کہ شدید بارشوں کے باعث حساس علاقوں میں لینڈ سلائیڈنگ کا خطرہ ہے۔ تیز ہواؤں اور موسلا دھار بارش سے کمزور ڈھانچوں اور کھڑی فصلوں کو نقصان پہنچ سکتا ہے جبکہ نشیبی علاقوں میں اربن فلڈنگ کا خدشہ بھی موجود ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…