خیبر پختونخوا اسمبلی میں وزیراعظم اور آرمی چیف کو نوبل انعام دینے کی قرارداد جمع

خیبر پختونخوا اسمبلی میں ایک قرارداد جمع کرائی گئی ہے جس میں وزیر اعظم شہباز شریف، آرمی چیف جنرل عاصم منیر اور وزیر خارجہ اسحاق ڈار کو نوبل امن انعام کے لیے نامزد کرنے کی تجویز دی گئی ہے۔

یہ قرارداد پاکستان مسلم لیگ ن کی رکن صوبائی اسمبلی شہلا بانو کی جانب سے اسمبلی سیکریٹریٹ میں جمع کرائی گئی۔

قرارداد کے متن میں موقف اختیار کیا گیا ہے کہ ملکی سول اور عسکری قیادت کی موثر سفارت کاری نے خطے میں امن اور استحکام کے لیے سازگار حالات پیدا کرنے میں اہم کردار ادا کیا ہے۔

متن میں مزید کہا گیا ہے کہ اسرائیل، امریکہ اور ایران کے مابین جاری کشیدگی نے عالمی امن کو سنگین خطرات سے دوچار کر رکھا تھا اور یہ صورتحال ایک بڑے بین الاقوامی بحران میں تبدیل ہو سکتی تھی۔

قرارداد میں مطالبہ کیا گیا ہے کہ عالمی امن کے فروغ کے لیے ان تینوں رہنماؤں کی خدمات کا اعتراف کیا جائے اور انہیں نوبل امن انعام کے لیے باضابطہ طور پر نامزد کیا جائے۔