پاکستان اور ترکیہ کی مشترکہ کمانڈو اور اسپیشل فورسز کی مشق جناح تیرہ کامیابی کے ساتھ مکمل ہو گئی ہے۔ پاک فوج کے شعبہ تعلقات عامہ آئی ایس پی آر کے مطابق ان مشقوں کا انعقاد انقرہ اور اسپارٹا میں کیا گیا جس میں دونوں ممالک کی اسپیشل فورسز نے حصہ لیا۔
مشقوں کا بنیادی مقصد انسداد دہشت گردی کے آپریشنز سے متعلق طریقہ کار اور تکنیک کو مزید بہتر بنانا تھا۔ اس دوران بلڈنگز اور شہری علاقوں میں جنگی مہارتوں کے علاوہ دیسی ساختہ بموں یعنی آئی ای ڈی سے نمٹنے کی خصوصی تربیت بھی دی گئی۔
فوجی حکام کا کہنا ہے کہ جناح تیرہ مشقوں نے اپنے تمام تر تربیتی اور فوجی سفارتکاری کے اہداف کو حاصل کر لیا ہے۔ دونوں ممالک کے دستوں نے مشقوں کے دوران اعلیٰ پیشہ ورانہ مہارت اور آپریشنل قابلیت کا مظاہرہ کیا۔ اس اقدام سے پاکستان اور ترکیہ کے مابین دیرینہ عسکری تعلقات مزید مستحکم ہوئے ہیں۔
دوسری جانب پاکستان نیوی نے ملکی ساختہ اینٹی شپ میزائل کا کامیاب تجربہ کیا ہے۔ ترجمان پاک بحریہ کے مطابق میزائل نے انتہائی درستگی کے ساتھ طویل فاصلے پر اپنے ہدف کو نشانہ بنایا۔
میزائل فائرنگ کا یہ مظاہرہ پاکستان نیوی کی آپریشنل تیاریوں اور ہدف کو نشانہ بنانے کی صلاحیت کا منہ بولتا ثبوت ہے۔ میزائل کے کامیاب تجربے کے موقع پر چیف آف نیول اسٹاف ایڈمرل نوید اشرف کے ہمراہ اہم سائنسدان اور انجینئرز بھی موجود تھے۔
واشنگٹن کی جانب سے ایرانی بندرگاہوں پر عائد کردہ ناکہ بندی کے باوجود دو بڑے…
امریکی عسکری حکام نے خبردار کیا ہے کہ اگر ایران نے امن معاہدے پر رضامندی…
امریکی وزیر دفاع پیٹ ہیگستھ اور چیئرمین جوائنٹ چیفس آف اسٹاف جنرل ڈین کین نے…
قازقستان کی ایک عدالت نے چین کے صوبے سنکیانگ میں بیجنگ کے کریک ڈاؤن کے…
پاکستان میں تعینات ایرانی سفیر رضا امیری مقدم نے کہا ہے کہ تہران عالمی برادری…
عالمی درجہ بندی میں دوسرے نمبر پر موجود ہسپانوی ٹینس اسٹار کارلوس الکاراز دائیں کلائی…