لاہور میں آوارہ کتوں کو بے دردی سے مارنے کے واقعات اور شہریوں پر کتے کے کاٹنے کے بڑھتے ہوئے حملوں کے خلاف جماعت اسلامی اور جانوروں کے حقوق کے لیے کام کرنے والی تنظیموں نے مشترکہ مہم شروع کرنے کا اعلان کیا ہے۔ یہ فیصلہ لاہور میں منعقدہ ایک اہم اجلاس کے دوران کیا گیا جس میں ضلعی انتظامیہ سے روایتی ہتھکنڈے ترک کر کے سائنسی بنیادوں پر آبادی پر قابو پانے کا مطالبہ کیا گیا۔
اجلاس میں جماعت اسلامی لاہور کے امیر ضیاء الدین انصاری، پبلک ایڈ کمیٹی کے صدر قیصر شریف، ماحولیاتی اور جانوروں کے حقوق کے کنسلٹنٹس کے ایڈووکیٹ التمش سعید اور ایڈووکیٹ میاں احمد فاروق، ایل سی ڈبلیو یو کی ڈاکٹر آمنہ عبید خواجہ اور پنجاب پولیس اینیمل ریسکیو سینٹر کے ڈاکٹر بلال سمیت مختلف فلاحی تنظیموں کے نمائندوں نے شرکت کی۔
اس موقع پر قیصر شریف نے تشویش کا اظہار کرتے ہوئے بتایا کہ لاہور کے پوش علاقے عسکری 10 میں بھی دس سالہ بچہ کتے کے کاٹنے سے زخمی ہوا۔ انہوں نے انکشاف کیا کہ صرف 22 ماہ کے دوران کتے کے کاٹنے کے چار لاکھ 36 ہزار 408 واقعات رپورٹ ہوئے ہیں، جبکہ غیر رپورٹ شدہ اعداد و شمار اس سے کہیں زیادہ ہو سکتے ہیں۔ ان کا کہنا تھا کہ حکومت اس مسئلے کے حل میں سنجیدہ نہیں ہے۔
جماعت اسلامی لاہور کے امیر ضیاء الدین انصاری نے واضح کیا کہ آوارہ کتوں کو مارنا کسی بھی صورت پائیدار حل نہیں ہے۔ انہوں نے تجویز دی کہ جانوروں کو پکڑنے، ان کی نس بندی کرنے اور ویکسین لگا کر چھوڑنے کا سائنسی طریقہ کار زیادہ مؤثر ثابت ہو سکتا ہے۔
اجلاس کے شرکاء نے جماعت اسلامی کے آٹھ نکاتی ایجنڈے کی مکمل تائید کی اور فیلڈ ورک سمیت تکنیکی معاونت فراہم کرنے کا یقین دلایا۔ شرکاء نے حکومت پر زور دیا کہ عوامی تحفظ اور جانوروں کے حقوق کے درمیان توازن قائم کرنے کے لیے تجاویز پر فوری عمل درآمد کو یقینی بنایا جائے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…