نائب وزیراعظم اور وزیر خارجہ سینیٹر محمد اسحاق ڈار اور کینیڈا کی وزیر خارجہ انیتا آنند کے درمیان ٹیلی فونک رابطہ ہوا ہے۔ دونوں رہنماؤں نے خطے کی تازہ ترین صورتحال اور باہمی دلچسپی کے امور پر تبادلہ خیال کیا۔
کینیڈین وزیر خارجہ نے فریقین کے درمیان پائیدار مذاکرات اور تعمیری روابط کو فروغ دینے کے لیے پاکستان کی مسلسل کوششوں کو سراہا اور ان کی حمایت کا اظہار کیا۔
ملاقات میں دونوں جانب سے خطے میں دیرپا امن اور لبنان سمیت دیگر علاقوں میں مکمل جنگ بندی کی امید ظاہر کی گئی۔ اس موقع پر دونوں رہنماؤں نے علاقائی استحکام اور تعاون کے لیے اپنے عزم کو دہرایا۔
قبل ازیں وزیر خارجہ اسحاق ڈار نے اپنے ایرانی ہم منصب عباس عراقچی سے بھی ٹیلی فون پر گفتگو کی۔ اس گفتگو کا محور مشرق وسطیٰ کی بدلتی ہوئی صورتحال اور جاری سفارتی کوششیں تھیں۔
ترجمان دفتر خارجہ کے مطابق دونوں رہنماؤں نے ایران اور امریکہ کے درمیان مذاکرات کے تازہ ترین دور اور خطے میں کشیدگی کے خاتمے کے حوالے سے تبادلہ خیال کیا۔
اسحاق ڈار اور عباس عراقچی نے اس بات پر زور دیا کہ خطے میں بڑھتی ہوئی کشیدگی کو روکنے کے لیے سفارتی ذرائع کا استعمال ناگزیر ہے۔ دونوں وزراء خارجہ نے چیلنجز سے نمٹنے کے لیے مربوط کوششوں اور بات چیت کے عمل کو جاری رکھنے پر اتفاق کیا۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…