وزیراعلیٰ سندھ سید مراد علی شاہ نے حیدرآباد میں پانی کی فراہمی کو بہتر بنانے کے لیے چھ ایم جی ڈی صلاحیت کے ریپڈ گریویٹی واٹر ٹریٹمنٹ پلانٹ کی تعمیر کی منظوری دے دی ہے۔ اس منصوبے کے لیے صوبائی حکومت نے بائیس ایکڑ سے زائد اراضی مختص کرنے کا فیصلہ کیا ہے جس سے قاسم آباد اور ملحقہ علاقوں میں پینے کے صاف پانی کی قلت پر قابو پایا جا سکے گا۔
وزیراعلیٰ ہاؤس میں منعقدہ اجلاس کی صدارت کرتے ہوئے مراد علی شاہ نے متعلقہ حکام کو ہدایت کی کہ تعمیراتی عمل کو فوری طور پر شروع کیا جائے۔ اجلاس میں صوبائی وزیر برائے منصوبہ بندی و ترقیات جام خان شورو، چیف سیکریٹری آصف حیدر شاہ اور دیگر اعلیٰ افسران نے شرکت کی۔
صوبائی وزیر جام خان شورو نے اجلاس کو بریفنگ دیتے ہوئے بتایا کہ حیدرآباد میونسپل کارپوریشن نے اے ڈی پی اسکیم کے تحت دیہہ جامشورو، تعلقہ قاسم آباد میں اراضی کی فراہمی کی درخواست کی تھی۔ ضلعی انتظامیہ نے موضع مصری شیخ میں پچیس ایکڑ سرکاری زمین کی نشاندہی کی تھی جس میں سے بائیس اعشاریہ ایک چار ایکڑ اراضی فوری استعمال کے لیے موزوں قرار دی گئی ہے۔
وزیراعلیٰ سندھ نے اراضی کی الاٹمنٹ کی منظوری دیتے ہوئے محکمہ منصوبہ بندی و ترقیات کو ہدایت کی کہ تمام قانونی اور انتظامی امور کو بلا تاخیر مکمل کیا جائے تاکہ منصوبے پر عملدرآمد میں کوئی رکاوٹ نہ آئے۔ انہوں نے اس عزم کا اعادہ کیا کہ شہری مراکز میں پانی کی فراہمی کے منصوبوں کو ترجیحی بنیادوں پر مکمل کیا جائے گا۔
مراد علی شاہ کا کہنا تھا کہ صاف پانی کی فراہمی حکومت کی اولین ترجیح ہے اور یہ منصوبہ پبلک ہیلتھ اور معیار زندگی کو بہتر بنانے میں سنگ میل ثابت ہوگا۔ انہوں نے منصوبے کی شفافیت کو یقینی بنانے اور تعمیراتی کام کی کڑی نگرانی کرنے کی بھی ہدایت کی تاکہ حیدرآباد کے شہریوں کو اس منصوبے کے ثمرات جلد از جلد مل سکیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…