پاکستان ایل این جی لمیٹڈ کے بورڈ نے 30 اپریل کو ملک میں پہنچنے والے ایل این جی کے ایک اسپاٹ کارگو کی خریداری کی منظوری دے دی ہے۔ حکام کے مطابق اس کارگو کو شفاف بولی کے عمل کے بعد 18 اعشاریہ 88 ڈالر فی ایم ایم بی ٹی یو کی قیمت پر حاصل کیا گیا ہے۔
کمپنی کی جانب سے 27 اپریل سے 14 مئی تک کی ڈیلیوری ونڈوز کے لیے تین ایل این جی کارگوز کی خریداری کے لیے بولیاں طلب کی گئی تھیں جس کے جواب میں سپلائرز کی جانب سے تین پیشکشیں موصول ہوئیں۔
سرکاری ذرائع کا کہنا ہے کہ بورڈ نے صرف 27 سے 30 اپریل کی ڈیلیوری ونڈو کے لیے پیش کردہ بولی کو قبول کیا ہے جبکہ بعد کے ادوار کے لیے موصول ہونے والی بولیاں مسترد کر دی گئی ہیں۔
مئی کے پہلے ہفتے یعنی یکم سے 7 مئی کی ونڈو کے لیے 18 اعشاریہ 54 ڈالر اور 8 سے 14 مئی کی ونڈو کے لیے 17 اعشاریہ 99 ڈالر فی ایم ایم بی ٹی یو کی پیشکش کی گئی تھی تاہم بورڈ نے ان دونوں کو منظور نہیں کیا۔
اس فیصلے سے ظاہر ہوتا ہے کہ پاکستان ایل این جی لمیٹڈ عالمی منڈی میں قیمتوں کے اتار چڑھاؤ اور ملکی طلب کو مدنظر رکھتے ہوئے انتخابی خریداری کی حکمت عملی پر عمل پیرا ہے۔ منظور شدہ کارگو کا مقصد قلیل مدتی توانائی کی ضروریات کو پورا کرنا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…