روس اور پاکستان کے مابین تعلیمی اور ثقافتی روابط کو فروغ دینے کے لیے دوسری بین الاقوامی کانفرنس کا انعقاد 12 سے 17 مئی 2026 تک روسی شہر کازان میں کیا جائے گا۔ یہ کانفرنس بدلتے ہوئے عالمی تناظر میں روس اور پاکستان کے تعلقات کے ارتقاء کے موضوع پر منعقد کی جا رہی ہے جو کہ روس اسلامک ورلڈ کازان فورم 2026 کا اہم حصہ ہوگی۔
اس تقریب کا اہتمام کازان فیڈرل یونیورسٹی اور فیڈرل اردو یونیورسٹی آف آرٹس، سائنس اینڈ ٹیکنالوجی کی جانب سے مشترکہ طور پر کیا جا رہا ہے، جبکہ نیشنل یونیورسٹی آف سائنسز اینڈ ٹیکنالوجی اور کنسورشیم فار ایشیا پیسیفک اینڈ یوریشین اسٹڈیز کا تعاون بھی شامل ہے۔
کانفرنس کی سرپرستی فیڈرل اردو یونیورسٹی کے وائس چانسلر پروفیسر ڈاکٹر ضابطہ خان شنواری اور کازان فیڈرل یونیورسٹی کے ریکٹر پروفیسر ڈاکٹر لینار ریناتوچ سافن کر رہے ہیں۔ اس موقع پر دونوں ممالک کے سفیروں، فیصل نیاز ترمذی اور البرٹ خوریف کی شمولیت دو طرفہ تعلقات میں بڑھتی ہوئی گرم جوشی کی عکاس ہے۔
اس سے قبل فروری 2025 میں کراچی میں منعقد ہونے والی پہلی کانفرنس کی کامیابی کے بعد یہ دوسرا بڑا قدم ہے جو دونوں ممالک کے درمیان تعلیمی تعاون کو نئی بلندیوں تک لے جائے گا۔ کانفرنس میں پاکستان سے اعلیٰ سطحی تعلیمی وفد شرکت کرے گا جس میں مختلف جامعات کے وائس چانسلرز، بشمول پروفیسر ڈاکٹر خالد محمود عراقی، پروفیسر ڈاکٹر غزالہ یاسمین اور پروفیسر ڈاکٹر ساجد محمود شہزاد، کے علاوہ محققین اور کاروباری شخصیات بھی شامل ہوں گی۔
کانفرنس کے دوران جیو پولیٹکس، علاقائی روابط، معاشی تعاون، سیکیورٹی اور ثقافتی تعلقات جیسے اہم موضوعات پر غور و خوض کیا جائے گا۔ ماہرین کا ماننا ہے کہ یہ کانفرنس پاکستان اور روس کے مابین تعلیمی سفارتکاری کو مستحکم کرنے اور عوامی سطح پر روابط بڑھانے میں کلیدی کردار ادا کرے گی۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…