خیبر پختونخوا اسمبلی نے وزیراعظم کی جانب سے شروع کی گئی کفایت شعاری مہم کی مکمل حمایت کا اعلان کرتے ہوئے ایک قرارداد متفقہ طور پر منظور کر لی ہے۔
مسلم لیگ ن کی رکن صوبائی اسمبلی آمنہ سردار کی جانب سے پیش کردہ اس قرارداد میں کہا گیا ہے کہ وزیراعظم کا کفایت شعاری کا اقدام بروقت اور خوش آئند ہے جس کی قومی سطح پر تائید ضروری ہے۔
قرارداد کے متن میں زور دیا گیا ہے کہ کفایت شعاری کو محض سرکاری اقدام تک محدود نہ رکھا جائے بلکہ اسے قومی رویہ اور اجتماعی ذمہ داری بنایا جائے۔ اس ضمن میں سرکاری اداروں میں توانائی اور وسائل کے ذمہ دارانہ استعمال کو یقینی بنانے کی سفارش کی گئی ہے۔
ایوان نے غیر ضروری سرکاری اخراجات اور مراعات میں بتدریج کمی لانے کا مطالبہ کرتے ہوئے تجویز دی ہے کہ کفایت شعاری کو تعلیمی اداروں کے نصاب کا حصہ بھی بنایا جائے۔
قرارداد میں شادی کی تقریبات میں ون ڈش کی پالیسی پر سختی سے عملدرآمد کروانے کا مطالبہ کیا گیا ہے۔ اس کے علاوہ شادی ہالز کو رات دس بجے اور شاپنگ مالز کو رات نو بجے بند کرنے کی سفارش بھی کی گئی ہے۔
مزید برآں ضلعی انتظامیہ میں غیر ضروری عملے کی تعداد کم کرنے پر بھی زور دیا گیا ہے۔ خیبر پختونخوا اسمبلی نے رائے شماری کے بعد اس قرارداد کو متفقہ طور پر منظور کر لیا ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…