حیدرآباد کنگز مین نے ایچ بی ایل پاکستان سپر لیگ کے گیارہویں ایڈیشن کے فائنل کے لیے پہلی بار کوالیفائی کر لیا ہے۔ قذافی اسٹیڈیم لاہور میں کھیلے گئے دوسرے ایلیمینیٹر میں حیدرآباد نے سنسنی خیز مقابلے کے بعد اسلام آباد یونائیٹڈ کو دو رنز سے شکست دے دی۔
اسلام آباد یونائیٹڈ 187 رنز کے ہدف کے تعاقب میں مقررہ 20 اوورز میں 7 وکٹوں کے نقصان پر 184 رنز ہی بنا سکی۔ میچ کے آخری اوور میں حیدرآباد کے فاسٹ بولر حنان شاہ نے شاندار بولنگ کا مظاہرہ کرتے ہوئے چھ رنز کا دفاع کیا اور اپنی ٹیم کو فتح سے ہمکنار کیا۔
اس سے قبل اسلام آباد کے کپتان شاداب خان نے ٹاس جیت کر پہلے فیلڈنگ کا فیصلہ کیا تھا۔ حیدرآباد کنگز مین نے پہلے بیٹنگ کرتے ہوئے 5 وکٹوں پر 186 رنز بنائے۔ عثمان خان نے 30 گیندوں پر ناقابل شکست 61 رنز کی جارحانہ اننگز کھیلی جس میں 10 چوکے شامل تھے۔ کوسل پریرا نے 37، کپتان مارننس لبوشین نے 39 اور صائم ایوب نے 38 رنز بنائے۔ اسلام آباد کی جانب سے عماد وسیم نے دو، جبکہ کرس گرین، رچرڈ گلیسن اور فہیم اشرف نے ایک ایک وکٹ حاصل کی۔
اسلام آباد یونائیٹڈ کی جانب سے مارک چیپمین 43 رنز بنا کر نمایاں رہے جبکہ حیدر علی نے 31 اور ڈیون کونوے نے 30 رنز کی اننگز کھیلی۔ حیدرآباد کے حنان شاہ اور محمد علی نے دو دو کھلاڑیوں کو آؤٹ کیا۔
میچ کے بعد گفتگو کرتے ہوئے حیدرآباد کے کپتان مارننس لبوشین نے کہا کہ ٹیم نے ہر طرح کے حالات کے لیے تیاری کر رکھی تھی اور کھلاڑیوں نے میدان میں بھرپور توانائی کا مظاہرہ کیا۔
ایونٹ کا فائنل مقابلہ اب اتوار کو لاہور میں حیدرآباد کنگز مین اور پشاور زلمی کے درمیان کھیلا جائے گا۔
واشنگٹن نے خبردار کیا ہے کہ آبنائے ہرمز سے گزرنے کے عوض ایران کو ٹرانزٹ…
ڈیفنس ہاؤسنگ اتھارٹی میں نجی گاڑی کو روکنے پر پولیس افسر کے بیٹے اور سب…
ازبکستان کے شہر خیوا میں تیسرے بین الاقوامی لازگی ڈانس فیسٹیول کا شاندار اختتام ہو…
لندن میں دو یہودی شہریوں کو چاقو کے وار سے زخمی کرنے کے واقعے کے…
لاہور (ویب ڈیسک) پاکستان پیپلز پارٹی لیبر بیورو کے صدر چوہدری منظور احمد نے مطالبہ…
فتنہ الخوارج کی جانب سے خیبر پختونخوا کے سرحدی علاقوں میں عام شہریوں کو نشانہ…