وزیر اعظم شہباز شریف سے پاکستان ورچوئل اسیٹس ریگولیٹری اتھارٹی کے چیئرمین بلال بن ثاقب نے لاہور میں ملاقات کی۔ ملاقات کے دوران وزیر اعظم نے ہدایت کی کہ ملکی افرادی قوت کو مستقبل کے تقاضوں سے ہم آہنگ کرنے کے لیے نوجوانوں کو جدید ٹیکنالوجی، بالخصوص مصنوعی ذہانت اور ڈیجیٹل فنانس کے شعبوں میں تربیت فراہم کرنے کے لیے خصوصی اقدامات کیے جائیں۔
وزیر اعظم نے زور دیا کہ ڈیجیٹل معیشت کے فروغ اور سرمایہ کاروں کا اعتماد بحال کرنے کے لیے ورچوئل اسیٹس کے شعبے میں بین الاقوامی معیار کے مطابق موثر ریگولیٹری نظام کو جلد از جلد فعال بنایا جائے۔
بلال بن ثاقب نے وزیر اعظم کو پاکستان ورچوئل اسیٹس ریگولیٹری اتھارٹی کے مکمل فعال ادارے کے طور پر منتقلی اور ریگولیٹری سینڈ باکس کے اجرا کے حوالے سے بریفنگ دی۔
بریفنگ میں بتایا گیا کہ مصنوعی ذہانت سے چلنے والی ادائیگیوں اور ریگولیٹڈ ورچوئل اسیٹس کی خدمات جیسے شعبوں میں جدت لائی جا رہی ہے۔
ملاقات میں اس بات کا اعادہ کیا گیا کہ معاشی تبدیلی کی اگلی لہر کے لیے قومی اداروں، انسانی وسائل اور ریگولیٹری فریم ورک کو تیار کرنے پر کام جاری ہے۔
لبنان کے جنوبی علاقوں میں اسرائیلی فضائی حملوں کا سلسلہ جاری ہے جس کے نتیجے…
اسلام آباد میں سندھ کی وزیر برائے صحت و بہبودِ آبادی ڈاکٹر عذرا فضل پیچوہو…
امریکی محکمہ دفاع پینٹاگون نے مصنوعی ذہانت فراہم کرنے والی سات بڑی کمپنیوں کے ساتھ…
محکمہ موسمیات نے ملک کے بالائی اور وسطی علاقوں میں گرد آلود طوفان، تیز ہواؤں،…
سابق امریکی صدر ڈونلڈ ٹرمپ نے ایران کے خلاف جاری جنگ کے دوران ایرانی بندرگاہوں…
محکمہ موسمیات کے ہیٹ ویو ارلی وارننگ سینٹر نے سندھ کے بالائی اور وسطی اضلاع…