لاہور کے قذافی اسٹیڈیم میں پاکستان سپر لیگ کے گیارہویں سیزن کے فائنل میچ میں حیدرآباد کنگز مین کی ٹیم 129 رنز پر ڈھیر ہو گئی۔ پشاور زلمی کے کپتان بابر اعظم نے ٹاس جیت کر پہلے فیلڈنگ کا فیصلہ کیا جو درست ثابت ہوا۔
حیدرآباد کنگز مین کی اننگز 18 اوورز تک محدود رہی۔ ٹیم کی بیٹنگ لائن اپ مڈل آرڈر کے اچانک گرنے سے بری طرح متاثر ہوئی۔ کپتان مارنس لبوشین 20 رنز بنا کر نمایاں رہے جبکہ صائم ایوب نے 54 رنز کی ذمہ دارانہ اننگز کھیلی۔ گلین میکسویل پہلی ہی گیند پر پویلین لوٹ گئے جبکہ کوشل پریرا ایک رن پر رن آؤٹ ہوئے۔ صرف چار رنز کے فرق سے چار وکٹیں گرنے کے بعد حیدرآباد کی ٹیم 75 رنز پر 6 وکٹوں کے نقصان کے ساتھ شدید دباؤ میں آ گئی۔
پشاور زلمی کی جانب سے آرون ہارڈی نے شاندار بولنگ کا مظاہرہ کرتے ہوئے چار وکٹیں حاصل کیں۔ بنگلہ دیشی فاسٹ بولر ناہید رانا نے دو کھلاڑیوں کو آؤٹ کیا۔ اسپنرز سفیان مقیم نے دو اور محمد باسط نے ایک وکٹ اپنے نام کی۔
پشاور زلمی کی پلیئنگ الیون میں خرم شہزاد کی جگہ ناہید رانا کو شامل کیا گیا، جبکہ حیدرآباد کی ٹیم بغیر کسی تبدیلی کے میدان میں اتری۔
پشاور زلمی کے تعاقب کے دوران ابتدائی چار اوورز میں تین وکٹوں کے نقصان پر 33 رنز بن چکے ہیں۔ لیگ مرحلے کے دوران پشاور زلمی نے نو میں سے آٹھ میچز جیتے اور ایک میں شکست کھائی، جبکہ ایک میچ بارش کی نذر ہوا تھا۔ بابر اعظم ٹورنامنٹ میں سب سے زیادہ رنز بنانے والے بیٹر ہیں جبکہ سفیان مقیم اب تک 21 وکٹیں حاصل کر چکے ہیں۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…