خیبر پختونخوا حکومت نے وفاقی حکومت کی جانب سے مالیاتی اور توانائی کے امور میں مبینہ امتیازی سلوک کے خلاف چھ مئی کو صوبہ بھر میں پین ڈاؤن ہڑتال کا اعلان کر دیا ہے۔
وزیراعلیٰ سہیل آفریدی کا کہنا ہے کہ وفاق این ایف سی ایوارڈ، بجلی اور گیس سمیت اہم معاملات میں صوبے کو جان بوجھ کر نظر انداز کر رہا ہے۔
ان کا کہنا تھا کہ ہڑتال صوبہ بھر میں کی جائے گی تاہم ہنگامی خدمات اس سے مستثنیٰ ہوں گی۔
وزیراعلیٰ نے سابق وزیراعظم عمران خان اور بشریٰ بی بی کے ساتھ روا رکھے جانے والے سلوک پر بھی شدید تحفظات کا اظہار کیا ہے۔ انہوں نے کہا کہ دونوں کو ان کے ذاتی معالجین کی زیر نگرانی طبی سہولیات فراہم نہیں کی جا رہی ہیں۔
سہیل آفریدی نے بشریٰ بی بی کو ان کے اہل خانہ اور وکلاء سے ملاقات کی اجازت نہ دینے کو غیر انسانی اور غیر قانونی عمل قرار دیا ہے۔
وزیراعلیٰ نے وکلاء برادری سے اپیل کی ہے کہ وہ ہڑتال میں بھرپور شرکت کریں۔ انہوں نے قانون اور آئین کی پاسداری کرنے والوں سے اس اقدام کی حمایت کرنے کی درخواست کی ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…