صوبائی وزیر اطلاعات پنجاب عظمیٰ بخاری نے اعلان کیا ہے کہ آٹھ سے دس مئی تک لاہور میں معرکہ حق کے سلسلے میں خصوصی تقریبات کا انعقاد کیا جائے گا۔ پنجاب اسمبلی کے باہر میڈیا سے گفتگو کرتے ہوئے انہوں نے بتایا کہ آٹھ اور نو مئی کو لبرٹی چوک پر ایک شاندار کنسرٹ منعقد کیا جائے گا جس میں ملی نغموں کے ذریعے جوش و جذبے کا اظہار کیا جائے گا۔
عظمیٰ بخاری نے مزید کہا کہ دس مئی کو وزیراعلیٰ پنجاب مریم نواز ایک مرکزی تقریب میں شرکت کریں گی جو پوری قوم کے جذبات کی ترجمانی کرے گی۔ انہوں نے اس دن کو ایک اہم سنگ میل قرار دیتے ہوئے کہا کہ دس مئی کو چند گھنٹوں میں حاصل ہونے والی کامیابی دنیا کے لیے ایک کیس اسٹڈی کی حیثیت رکھتی ہے۔
صوبائی وزیر کا کہنا تھا کہ جنگیں صرف سازوسامان سے نہیں بلکہ عزم و ہمت سے جیتی جاتی ہیں اور پاکستان کی مسلح افواج کا جذبہ بے مثال ہے۔ انہوں نے اپنی اور وزیراعلیٰ کی جانب سے شہدا کو خراج تحسین پیش کرتے ہوئے کہا کہ اس دن کو قومی سطح پر جوش و خروش سے منایا جائے گا۔
فیڈریشن آف پاکستان چیمبرز آف کامرس اینڈ انڈسٹری کے صدر عاطف اکرام شیخ نے ملکی…
صوبائی ڈیزاسٹر مینجمنٹ اتھارٹی پنجاب نے سات سے گیارہ مئی تک صوبے بھر میں شدید…
امریکی صدر ڈونلڈ ٹرمپ نے ایک بار پھر ایران کو خبردار کیا ہے کہ اگر…
مشہور گالفر جون رہم نے یورپی ٹور کے ساتھ ایک اہم معاہدہ طے کر لیا…
برازیل کی شمالی ریاست ایکری میں منگل کے روز ایک اسکول میں فائرنگ کے افسوسناک…
امریکی محکمہ ہوم لینڈ سیکیورٹی کی ایک خفیہ انٹیلی جنس رپورٹ میں انکشاف ہوا ہے…