جمعیت علمائے اسلام ف کے سربراہ مولانا فضل الرحمان نے سابق رکن صوبائی اسمبلی مولانا محمد ادریس کے قاتلوں کی گرفتاری کا مطالبہ کرتے ہوئے 8 مئی کو ملک گیر احتجاج کا اعلان کر دیا ہے۔ یہ احتجاج جمعہ کی نماز کے بعد منعقد کیا جائے گا۔
مولانا فضل الرحمان نے چارسدہ میں مولانا محمد ادریس کی رہائش گاہ پر ان کے لواحقین سے تعزیت کا اظہار کیا اور مرحوم کی دینی خدمات کو خراج عقیدت پیش کیا۔ اس موقع پر انہوں نے میڈیا سے گفتگو کرتے ہوئے کہا کہ نظریاتی اختلافات کی بنا پر کسی مسلمان کا قتل جہالت کی انتہا ہے اور مولانا ادریس کی شہادت پوری امت مسلمہ کے لیے ایک بڑا نقصان ہے۔
انہوں نے واضح کیا کہ یہ واقعہ پرامن لوگوں کے خلاف تشدد کی ایک افسوسناک مثال ہے۔ انہوں نے اس عزم کا اظہار کیا کہ انصاف کا بول بالا ہوگا اور قاتلوں کو کیفر کردار تک پہنچایا جائے گا۔
سربراہ جے یو آئی نے زور دیا کہ ملک کے تمام مذہبی علما آئین پاکستان کے ساتھ کھڑے ہیں اور ملک کے اندر ہتھیار اٹھانے کی ہرگز اجازت نہیں دی جا سکتی۔
مولانا فضل الرحمان نے متعلقہ اداروں پر کڑی تنقید کرتے ہوئے کہا کہ حکومتی ادارے اپنی ذمہ داریاں پوری کرنے میں ناکام رہے ہیں۔ انہوں نے مطالبہ کیا کہ ادارے اپنی آئینی و قانونی ذمہ داریوں کا احساس کریں اور مولانا ادریس کے قاتلوں کو فوری طور پر گرفتار کیا جائے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…