اسلام آباد سے موصولہ اطلاعات کے مطابق پاکستان سے حج پروازوں کا سلسلہ تیزی سے جاری ہے اور اب تک 46 ہزار سے زائد عازمین حج سعودی عرب پہنچ چکے ہیں۔ وزارت مذہبی امور کے مطابق 18 اپریل سے شروع ہونے والے اس آپریشن کے تحت سرکاری اسکیم کے ذریعے 39 ہزار 959 جبکہ نجی ٹور آپریٹرز کے ذریعے 6 ہزار 673 عازمین سعودی عرب پہنچ چکے ہیں۔
وزارت مذہبی امور نے اعداد و شمار جاری کرتے ہوئے بتایا کہ سرکاری اسکیم کے تحت پہنچنے والے عازمین میں سے 13 ہزار 280 مدینہ منورہ جبکہ 26 ہزار 679 مکہ مکرمہ میں قیام پذیر ہیں۔ آئندہ 15 روز کے دوران مزید 78 ہزار 875 عازمین کو سعودی عرب پہنچایا جائے گا۔
حج انتظامات کے سلسلے میں 949 پاکستانی معاونین اور طبی عملے کے ارکان بھی سعودی عرب پہنچ چکے ہیں جو مختلف شعبوں میں اپنے فرائض سرانجام دیں گے۔ پاکستان حج مشن نے مکہ مکرمہ میں اپنا مرکزی کنٹرول آفس قائم کر دیا ہے۔
حج مشن کے تحت انتظامیہ، اکاؤنٹس، ایئرپورٹ استقبالیہ، رہائش، خوراک، ٹرانسپورٹ، رہنمائی، کال سینٹر، شکایات سیل، گمشدہ اشیاء، وہیل چیئر ڈیسک اور میڈیا سیل سمیت دیگر شعبے فعال کر دیے گئے ہیں۔ عازمین کو طبی سہولیات کی فراہمی کے لیے مکہ مکرمہ میں 22 ڈسپنسریاں بھی قائم کی گئی ہیں۔
واضح رہے کہ رواں برس پاکستان سے مجموعی طور پر ایک لاکھ 79 ہزار سے زائد عازمین حج کی سعادت حاصل کرنے کے لیے سعودی عرب جائیں گے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…