صنم جاوید کی طبیعت بگڑنے پر کوٹ لکھپت جیل سے ہسپتال منتقلی

تحریک انصاف کی کارکن صنم جاوید کی طبیعت بگڑنے پر انہیں کوٹ لکھپت جیل سے ہسپتال منتقل کر دیا گیا ہے۔

صنم جاوید کے شوہر نے تصدیق کی ہے کہ انہیں آنکھوں اور معدے میں شدید تکلیف کے باعث جناح ہسپتال منتقل کیا گیا جہاں ان کا طبی معائنہ کیا جا رہا ہے۔ تاہم حکام کی جانب سے ان کی موجودہ طبی حالت کے حوالے سے کوئی تفصیلی بیان جاری نہیں کیا گیا ہے۔

واضح رہے کہ صنم جاوید نو مئی کے مقدمات میں سزا یافتہ ہیں اور انہیں عدالت کی جانب سے پانچ سال قید کی سزا سنائی گئی تھی جس کے بعد وہ کوٹ لکھپت جیل میں اپنی سزا کاٹ رہی تھیں۔