عالمی منڈی میں گراوٹ: پاکستان میں سونے کی قیمت میں 5300 روپے کی بڑی کمی

پاکستان کی مقامی صرافہ مارکیٹ میں پیر کے روز سونے کی قیمتوں میں بڑی گراوٹ دیکھی گئی ہے جس کی بنیادی وجہ عالمی منڈی میں سونے کے نرخوں میں کمی ہے۔

آل پاکستان جیولرز ایسوسی ایشن کے مطابق مقامی سطح پر فی تولہ سونا 5 ہزار 300 روپے سستا ہو گیا ہے جس کے بعد اس کی نئی قیمت 4 لاکھ 88 ہزار 362 روپے پر آ گئی ہے۔

اسی طرح 10 گرام سونے کے نرخوں میں بھی 4 ہزار 544 روپے کی کمی ریکارڈ کی گئی ہے اور اب یہ 4 لاکھ 18 ہزار 691 روپے میں فروخت ہو رہا ہے۔

عالمی منڈی میں بھی سونے کی قدر میں نمایاں کمی ہوئی ہے جہاں فی اونس سونا 53 ڈالر سستا ہو کر 4 ہزار 660 ڈالر کی سطح پر آ گیا ہے۔

ماہرین کا کہنا ہے کہ سونے کی قیمتوں میں یہ اتار چڑھاؤ عالمی سطح پر اجناس کے نرخوں میں ہونے والی تبدیلیوں اور مارکیٹ کریکشن کے باعث دیکھنے میں آیا ہے۔