اسلام آباد میں وزیراعظم شہباز شریف نے ملک میں جاری معاشی دباؤ اور عالمی سطح پر پیٹرولیم مصنوعات کی بڑھتی ہوئی قیمتوں کے پیش نظر کفایت شعاری مہم میں 13 جون تک توسیع کا اعلان کر دیا ہے۔ یہ فیصلہ مشرق وسطیٰ کی موجودہ صورتحال اور عالمی منڈی میں تیل کی قیمتوں میں اضافے کے اثرات سے نمٹنے کے لیے کیا گیا ہے۔
کابینہ ڈویژن کی جانب سے جاری کردہ نوٹیفکیشن کے مطابق یہ فیصلہ ایندھن کے تحفظ اور اخراجات میں کمی کی نگرانی کرنے والی کمیٹی کی سفارشات کی روشنی میں کیا گیا ہے۔ ان اقدامات کا بنیادی مقصد سرکاری اخراجات میں نمایاں کمی لانا ہے۔
نئی ہدایات کے تحت سرکاری گاڑیوں کے ایندھن کوٹے میں 50 فیصد کٹوتی برقرار رہے گی جبکہ 60 فیصد سرکاری گاڑیاں سڑکوں پر نہیں لائی جائیں گی۔ وزراء اور اعلیٰ حکام کے غیر ملکی دوروں پر پابندی بدستور نافذ رہے گی، تاہم قومی مفاد میں انتہائی ضروری دوروں کو اس سے مستثنیٰ قرار دیا گیا ہے۔
حکومتی دفاتر کے لیے پیر سے جمعرات تک چار روزہ ورکنگ ویک کا سلسلہ جاری رہے گا، تاہم یہ پالیسی بینکوں، ضروری خدمات، زراعت اور صنعت کے شعبوں پر لاگو نہیں ہوگی۔
تنخواہوں میں کٹوتی کے حوالے سے پارلیمنٹیرینز کی تنخواہوں میں 25 فیصد جبکہ سرکاری اداروں کے ملازمین کی تنخواہوں میں 5 سے 30 فیصد تک کٹوتی برقرار رکھی گئی ہے۔ اسی طرح محکمانہ اخراجات میں 20 فیصد کمی کے ساتھ نئی گاڑیوں، فرنیچر اور دیگر آلات کی خریداری پر بھی پابندی عائد ہے۔
وزیراعظم نے ان اقدامات پر مکمل عملدرآمد کو یقینی بنانے کے لیے انٹیلیجنس بیورو کو تھرڈ پارٹی آڈٹ کی ہدایت کی ہے۔
دوسری جانب حکومت نے بڑھتی ہوئی قیمتوں کے اثرات کو کم کرنے کے لیے موٹر سائیکل سواروں، کسانوں اور ٹرانسپورٹرز کے لیے ایندھن پر سبسڈی سمیت دیگر ٹارگٹڈ ریلیف اقدامات میں بھی توسیع کر دی ہے۔
صدر ڈونلڈ ٹرمپ کے بیجنگ کے دورے اور چینی صدر شی جن پنگ کے ساتھ…
اسلام آباد میں پاکستان تحریک انصاف کے بانی چیئرمین سے ملاقات کے لیے چھ رکنی…
اقوام متحدہ کے سابق ہتھیاروں کے معائنہ کار اور امریکی میرین کور کے انٹیلی جنس…
وزیراعظم شہباز شریف کی جانب سے گلگت بلتستان کے دورے کے دوران خطے میں چار…
کراچی میں پانی کی چوری کی روک تھام کے لیے قائم خصوصی تھانہ خود سنگین…
امریکی صدر ڈونلڈ ٹرمپ چین کے دورے پر پہنچ گئے ہیں، ان کے ہمراہ امریکہ…