وزیر اعظم شہباز شریف اور بحرین کے بادشاہ حمد بن عیسیٰ الخلیفہ کے درمیان عید الفطر کے موقع پر ٹیلی فونک رابطہ ہوا جس میں دونوں رہنماؤں نے ایک دوسرے کو عید کی مبارکباد پیش کی۔ اس گفتگو کے دوران دوطرفہ تعلقات کے فروغ اور خطے میں بڑھتی ہوئی کشیدگی پر تبادلہ خیال کیا گیا۔
بات چیت کے دوران دونوں رہنماؤں نے امت مسلمہ کے اتحاد، ہم آہنگی اور اجتماعی طاقت کے لیے خصوصی دعائیں کیں۔ وزیر اعظم نے بحرین پر ہونے والے حالیہ حملوں کی شدید مذمت کی اور قیمتی انسانی جانوں کے ضیاع پر گہرے دکھ اور افسوس کا اظہار کیا۔ انہوں نے بحرین کی قیادت اور عوام کے ساتھ مکمل یکجہتی کا اعادہ کیا۔
وزیر اعظم شہباز شریف نے مشکل وقت میں تحمل اور برداشت کا مظاہرہ کرنے پر بحرین کی تعریف کی۔ انہوں نے اس بات پر زور دیا کہ خطے میں استحکام کو برقرار رکھنے اور کشیدگی میں اضافے کو روکنا وقت کی اہم ضرورت ہے۔
وزیر اعظم نے بحرین کے بادشاہ کو خطے میں امن کی بحالی کے لیے پاکستان کی سفارتی کوششوں سے بھی آگاہ کیا۔ انہوں نے واضح کیا کہ پاکستان کشیدگی میں کمی اور مذاکرات کے فروغ کے لیے کی جانے والی تمام تر کاوشوں کی حمایت جاری رکھے گا۔
دونوں رہنماؤں نے باہمی دلچسپی کے امور اور علاقائی صورتحال پر قریبی رابطے برقرار رکھنے پر اتفاق کیا تاکہ بدلتے ہوئے حالات کے تناظر میں مشاورت کا عمل جاری رہے۔
پاکستان اور بنگلہ دیش کے درمیان دو ٹیسٹ میچوں پر مشتمل سیریز کا آغاز جمعہ…
اسرائیلی فوج نے دعویٰ کیا ہے کہ بیروت کے جنوبی مضافات میں کیے گئے فضائی…
وزیر اعظم شہباز شریف نے گلگت بلتستان کے دورے کے دوران مختلف ترقیاتی منصوبوں کا…
دنیا بھر کے ممالک میں ہینٹا وائرس کے پھیلاؤ کو روکنے کے لیے ہنگامی اقدامات…
کراچی میں دسمبر 2025 میں منعقد ہونے والے 35 ویں نیشنل گیمز میں خیبر پختونخوا…
نئی دہلی میں ہونے والے چار ریاستوں کے حالیہ انتخابات کے نتائج نے بھارت میں…