ایرانی وزیر خارجہ عباس عراقچی نے واضح کیا ہے کہ تہران کسی عارضی جنگ بندی کے بجائے ایک مکمل، جامع اور دیرپا امن کا خواہاں ہے۔ ایک جاپانی نشریاتی ادارے کو انٹرویو دیتے ہوئے انہوں نے کہا کہ ایران ہر اس اقدام کا خیرمقدم کرے گا جو جنگ کے مکمل خاتمے کا باعث بنے۔
عباس عراقچی نے کہا کہ ایران مستقل جنگ بندی کے حصول کے لیے ہر تجویز پر غور کرنے کے لیے تیار ہے، اور اس وقت کئی ممالک تنازع کے حل کے لیے راستے تلاش کر رہے ہیں۔ تاہم، انہوں نے امریکی نیت پر شکوک و شبہات کا اظہار کرتے ہوئے کہا کہ واشنگٹن کی جانب سے جارحیت روکنے کے عزم پر یقین نہیں ہے۔
کشیدگی کم کرنے کے ایک اشارے کے طور پر ایرانی وزیر خارجہ نے کہا کہ تہران جاپانی بحری جہازوں کو آبنائے ہرمز سے گزرنے کی اجازت دینے کے لیے تیار ہے۔
دوسری جانب ایرانی صدر مسعود پزشکیان نے زور دیا ہے کہ خطے میں جاری جنگ اور وسیع تر تنازع کے خاتمے کے لیے امریکہ اور اسرائیل کی مبینہ جارحیت کو فوری طور پر روکنا ضروری ہے۔
بھارتی وزیراعظم نریندر مودی سے ٹیلی فونک گفتگو کے دوران صدر پزشکیان نے کہا کہ مستقبل میں ایسی جارحیت کے اعادہ کو روکنے کے لیے ٹھوس ضمانتیں درکار ہیں۔ انہوں نے برکس بلاک پر بھی زور دیا کہ وہ ایران کے خلاف جارحیت کو روکنے کے لیے ایک آزادانہ کردار ادا کرے۔
ایرانی سفارت خانے کے مطابق صدر پزشکیان نے ایک ایسا علاقائی سیکیورٹی فریم ورک تجویز کیا ہے جس میں مغربی ایشیائی ممالک شامل ہوں تاکہ غیر ملکی مداخلت کے بغیر خطے میں پائیدار امن کو یقینی بنایا جا سکے۔
عراق کی وزارت بجلی نے تصدیق کی ہے کہ ایران سے گیس کی ترسیل دوبارہ…
وزیراعظم محمد شہباز شریف نے عالمی یومِ آب کے موقع پر اپنے پیغام میں کہا…
امیر جماعت اسلامی حافظ نعیم الرحمان نے کہا ہے کہ عید کی خوشیوں کے موقع…
اٹلی کے علاقے ٹرینٹینو آلٹو اڈیج کے پہاڑی سلسلے میں برفانی تودہ گرنے سے دو…
تہران (ویب ڈیسک) ایران کے پاسداران انقلاب (آئی آر جی سی) نے دعویٰ کیا ہے…
وزیر اعظم شہباز شریف اور بحرین کے بادشاہ حمد بن عیسیٰ الخلیفہ کے درمیان عید…