گوگل کے سابق ایگزیکٹو میٹ برٹن بی بی سی کے نئے ڈائریکٹر جنرل مقرر

بی بی سی نے گوگل کے سابق ایگزیکٹو میٹ برٹن کو اپنا نیا ڈائریکٹر جنرل مقرر کر دیا ہے۔ وہ ٹم ڈیوی کی جگہ سنبھالیں گے جنہوں نے گزشتہ برس امریکی صدر ڈونلڈ ٹرمپ کی تقریر میں گمراہ کن ترمیم کے تنازع کے بعد اپنے عہدے سے استعفیٰ دے دیا تھا۔

بی بی سی کو اس وقت ڈونلڈ ٹرمپ کی جانب سے دس ارب ڈالر کے ہرجانے کے مقدمے کا سامنا ہے۔ سابق امریکی صدر کا موقف ہے کہ نشریاتی ادارے نے چھ جنوری دو ہزار اکیس کو کیپٹل ہل پر حملے سے قبل ان کی تقریر کے مختلف حصوں کو جوڑ کر انہیں بدنام کرنے کی کوشش کی۔

نشریاتی ادارے نے عدالت سے استدعا کی ہے کہ اس مقدمے کو خارج کر دیا جائے۔ بی بی سی کا استدلال ہے کہ ڈونلڈ ٹرمپ کا دوبارہ انتخاب اس بات کا ثبوت ہے کہ مبینہ ہتک آمیز مواد سے ان کی ساکھ کو کوئی نقصان نہیں پہنچا۔

میٹ برٹن دو ہزار سات میں برطانیہ اور آئرلینڈ کے سربراہ کی حیثیت سے گوگل میں شامل ہوئے تھے اور دو ہزار چودہ میں ترقی پا کر یورپ، مشرق وسطیٰ اور افریقہ کے صدر بنے۔ وہ دو ہزار چوبیس میں گوگل سے سبکدوش ہوئے اور اٹھارہ مئی سے اپنے نئے عہدے کی ذمہ داریاں سنبھالیں گے۔