یوکرین کے صدر ولادیمیر زیلنسکی نے خطے میں بڑھتی ہوئی کشیدگی کے دوران متحدہ عرب امارات اور قطر کے دورے کے موقع پر دونوں ممالک کے ساتھ دفاعی تعاون کے معاہدوں پر اتفاق کیا ہے۔
قطر کی وزارت دفاع کی جانب سے جاری کردہ بیان کے مطابق دوحہ اور کیف کے درمیان دفاعی تعاون کا معاہدہ طے پا گیا ہے جس میں میزائلوں اور بغیر پائلٹ کے فضائی نظام یعنی ڈرونز کا مقابلہ کرنے کے لیے مہارت کا تبادلہ شامل ہے۔
صدر زیلنسکی نے اس سے قبل متحدہ عرب امارات کا دورہ کیا جہاں انہوں نے صدر شیخ محمد بن زاید النہیان سے ملاقات کی۔ اس ملاقات میں دونوں ممالک نے سیکیورٹی اور دفاع کے شعبوں میں تعاون بڑھانے پر اتفاق کیا۔ زیلنسکی نے ٹیلی گرام ایپ پر پیغام میں کہا کہ دونوں ممالک کی ٹیمیں جلد ہی ان معاہدوں کی تفصیلات کو حتمی شکل دیں گی۔
یوکرین کے وزیر خارجہ آندری سیبیہا نے جمعہ کے روز خبر رساں ادارے رائٹرز کو بتایا تھا کہ یوکرین، جس کے پاس روسی ڈرونز اور میزائلوں کو مار گرانے کا برسوں کا تجربہ موجود ہے، ایرانی حملوں کا مقابلہ کرنے کے لیے کئی سیکیورٹی معاہدوں کو حتمی شکل دینے کے قریب ہے۔
واضح رہے کہ امریکی اور اسرائیلی کارروائیوں کے نتیجے میں اب تک دو ہزار سے زائد افراد ہلاک ہو چکے ہیں جس سے عالمی منڈیاں شدید متاثر ہوئی ہیں۔ ایران کی جانب سے جوابی کارروائیوں کے باعث آبنائے ہرمز عملی طور پر بند ہو چکی ہے جبکہ خلیجی ممالک کو بھی میزائلوں اور ڈرونز کے ذریعے نشانہ بنایا گیا ہے۔
اس سے قبل جمعرات کے روز صدر زیلنسکی نے سعودی عرب کا دورہ کیا تھا جہاں یوکرین اور سعودی عرب کے درمیان بھی دفاعی تعاون کے معاہدے پر دستخط کیے گئے۔
کراچی کی ڈسٹرکٹ اینڈ سیشن عدالت نے منشیات فروشی اور غیر قانونی اسلحہ کی فراہمی…
امریکی صدر ڈونلڈ ٹرمپ تین روزہ سرکاری دورے پر بیجنگ پہنچ گئے ہیں جہاں ان…
اسلام آباد میں ایوان صدر کے اندر منعقدہ ایک پروقار تقریب میں صدر مملکت آصف…
امریکی صدر ڈونلڈ ٹرمپ دو بڑی عالمی طاقتوں کے درمیان کشیدگی کم کرنے کے مقصد…
وفاقی وزیر اطلاعات عطا اللہ تارڑ نے کہا ہے کہ پاکستان فضائیہ نے معرکہ حق…
کراچی میں چین کے تجارتی اور صنعتی وفد نے فیڈریشن ہاؤس کا دورہ کیا ہے…